“Ich mach’s end gvissa fumm ohfang, un funn lang zrikk biss vass noch am kumma is.”​—Jesoiya 46:10

Vass vissa miah veyyich di letshti dawwa?

• Daniel 7:13, 14

  Da Jesus is Kaynich vadda im himmel in 1914.

• Matthäus 24:3-14

  Da Jesus hott ksawt es zayla haddi zeida sei fa mensha.

• Di Offenbarung 12:7-9, 12

  Glei noch es da Jesus kaynich vadda is, hott eah da Satan aus da himmel nunnah zu di eaht kshmissa. Da Satan is reeli bays koss eah hott yusht “en katzi zeit” ivvahrich biss Gott een vekk butzt.

“Vass zayld da zaycha adda sign sei vann du viddah kumsht un’s end funn di veld kumd?”​—Matthäus 24:3

Hosht du Bivvel prophecies ksenna folfild vadda?

• Matthäus 24:7; Lukas 21:11

  Miah sayna may greek adda war, earthquakes, nett genunk ess-sach, un grankeda es selayva difoah.

• 2 Timotheus 3:1-5

  Da aposhtel Paulus hott ksawt vi leit aekta zayla in di letshti dawwa.

• Daniel 12:9, 10

  Gott is sei leit am helfa di Bivvel bessah fashtay es si selayva henn difoah.

• Matthäus 24:14

  Di goodi sacha veyyich’s Reich sinn am gebreddicht vadda gans ivvah di veld.

“Da dawk fumm Hah [zayld] kumma . . . vi en deeb adda en thief in di nacht.”​—1 Thessalonicher 5:2

Siddah’s end so nayksht is, vass musht du du?

• Johannes 17:3

  Mach es dei shtoddi funn di Bivvel importand is in dei layva.

• Hebräer 10:24, 25

  Du kansht may lanna bei zu di fasamlinga gay funn Jehova Sei Witnesses.

• Jakobus 4:8

  Mach tshaynshes in dei layva so’s du naychah kumma kansht zu Gott.

• Lukas 21:34-36

  Hald Jehova seahsht in dei layva, un vatt nett distract bei annah shtoft.