Psalm 59:1-17
Zumm foah-singah. Fa ksunga sei zu di veis, “Fadeahb Nett.” En Psalm fumm Dawfit vo da Saul mennah kshikt hott fa em Dawfit sei haus vatsha fa een doht macha.
59 Mach mich frei funn mei feinda, oh Gott,un hald mich vekk funn selli es sich uf shtella geyyich mich.
2 Hald mich funn selli es evil shaffa,un hald mich vekk funn mensha es bloot fageesa.
3 Fa gukk moll, si leiya am voahra fa mei layva nemma;shteiki mennah fasamla sich zammah geyyich mich,avvah ich habb nix letzes gedu un habb nett ksindicht, oh HAH.
4 Ich habb nix letzes gedu, avvah si shpringa un setza sich geyyich mich;shtay uf un helf miah. Gukk moll vass am ohgay is.
5 Oh HAH, Awlmechtichah Gott, du Gott funn Israel,vekk uf un shtrohf awl di heida.Sei nett bamhatzich zu selli es roht nemma fa evil du. (Sela)
6 Si kumma zrikk ohvets un gnarra vi hund,diveil es si in di shtatt rumm lawfa.
7 Gukk moll, si fafolka mitt iahra meilah,shvadda kumma aus iahra leftz,fa si sawwa, “Veah heaht dess?”
8 Avvah du lachsht ivvah si, oh HAH,du fashpotsht awl di heida.
9 Mei Grohsi Graft, dich vill ich achta,fa du bisht mei sayfah Roo-Blatz.
10 Mei Gott in sei grohsi leevi kumd zu miah,Gott lost mich mitt ivvah-hand uf mei feinda gukka.
11 Mach si nett doht, adda mei leit mechta fagessa,avvah shtroi si ausnannah mitt dei macht, un bring si niddah,oh Hah un unsah shield.
12 Fa di sind funn iahra meilah un di vadda funn iahra leftz,loss si kfanga sei in iahra hohchmoot.Fa iahra fluches un di leeya es si sawwa,
13 reib si aus in deim zann unni gnawt;reib si aus biss si nimmi sinn.No zayld alli-ebbah vissa es Gott roold in Jakobbiss an’s end funn di eaht. (Sela)
14 Si kumma zrikk ohvets un gnarra vi hund,diveil es si in di shtatt rumm lawfa.
15 Si lawfa rumm un gukka fa ess-sach,un gnarra vann si nett satt vadda.
16 Avvah ich zayl singa veyyich dei macht,alli meiya zayl ich singa veyyich dei grohsi leevi;fa du bisht mei Feshtah-Blatz,en Roo-Blatz aus di kfoah an di zeit funn mei noht.
17 Zu diah, mei Grohsi Graft, ich zayl lohb singa,fa du, oh Gott, bisht mei feshtah-blatz un mei gnaydichah Gott.
