Halp diene Toohiera, sikj selfst to unjasieekjen. Stal soone Froagen, waut dee toom nodenkjen brinjt, daut dee rutfinjen kjennen, woo daut ennalich met an steit.

Halp dee, aules utem rajchten Senn to doonen. Rod diene Toohiera too, sikj selfst to unjasieekjen, wuarom see goodet doonen. Halp dee to vestonen, daut eena daut doonen saul ut Leew fa Jehova, fa dän Näakjsten un fa daut, waut de Schreft lieet. Jeff de Toohiera Bewies; prädij dee doa nich bloos väa. Brinj dee nich toom schämen, oba see doano, daut dee sikj oppjetrocken feelen un daut dee no de Räd dän Moot haben, äa bastet to doonen.

Wies, daut sikj daut om Jehova dreit. Moak dietlich, woo de biblische Lieren, de Gruntsauzen un Jebooten ons wiesen, woo Gott es un woo hee ons leeft. Halp diene Toohiera, dän Wensch to kjrieen, sikj daut to unjastonen, woo Jehova denkjt un woo see am kjennen toom Jefaulen läwen.