ORDNUNGSDEENA De Ordnungsdeena sent aunjestalt to halpen, wan daut wua fält. Recht die toom Jefaulen doano, wan dee die sajen, wua du dien Foatich loten kaust, to wua du nengonen un rutgonen saust un wan daut om Settich friehoolen jeit ooda om aundre Sachen.

DOOP Verem Plautform sent fa deejanje uzhent Steela friejehoolen, waut sikj wellen deepen loten. Deejanje sellen sikj Sinowent ver Meddach, noch ea de Räd fa de Doop es, doa dolsaten. Wan sikj doa irjentwaut endat, woat daut em verut bekauntjejäft woaren. Jieda eena saul een Haunduak un paussende Bodkjleeda methaben.

GOWEN Daut kjemt sea dia, fa jenuach Settich to sorjen, fa Toontoobehia, fa Videotoobehia un aundre Sachen fa soonen Kongress, waut ons halpt Jehova noda to komen. June friewelje Gowen halpen aul dise Onkosten to betolen un woaren uk jebrukt, om daut Woakj oppe gaunze Welt enne go to hoolen. Doatoo sent opp miere Städen Gowenkaustes oppjestalt. Jie kjennen uk äwa Internet Gowen jäwen opp donate.dan124.com. De Gowen von jieda eenem woaren sea jeschazt. De Väastaunt von Jehova siene Zeijen dankt junt doafäa, daut jie soo wellich sent, Gott sien Kjennichrikj to unjastetten.

DOKTARIE Denkj doaraun: Daut es bloos fa dee, waut doa krank woaren ooda veojjlekjen.

FA VELOARNE SACHEN Aules, waut doa jefungen woat, saul no dise Städ jebrocht. Wan du waut veloaren hast, go doa han un see no, aus daut doa es. De Kjinja, waut sikj veloaren haben, sellen uk doa hanjebrocht. Oba om onneedje Sorjen väatobieejen, sellen de Elren no äare Kjinja oppaussen un dee bie sikj haben.

SETTICH Denkj toom Jefaulen aun aundre. Vejät nich, daut du daut Settich bloos fa dee friehoolen doascht, waut met die toop en dautselwje Foatich reisen, met die toop wonen ooda waut met die de Bibel studieren. Laj toom Jefaulen nuscht opp de aundre Setten dicht bie die. Lot dee frie fa aundre.

FRIEWELJE OABEIT Wan du wurscht jleichen, opp dän Kongress irjentwua mettohalpen, dan mald die bie de Aufdeelunk fa Informazion un friewelje Oabeit. Doa woaren dee die sajen, waut du doonen kaust.

School fa Kjennichrikjsvekjindja Fa Pionieren, dee tweschen 23 un 65 Joa oolt sent un sikj doafäa intressieren, mea em Deenst to doonen, jeft daut Sindach no Meddach een Toopkomen äwa de School fa Kjennichrikjsvekjindja. Daut woat bekauntjejäft woaren, waut fa eenen Klockentiet un wua daut es.