6. KAPITEL
Woo funk daut Läwen aun?
De Schreft sajcht von Gott: “Du best dee, von däm aulet Läwen kjemt” (Psalm 36:10). Jleefst du daut? Eenje jleewen, daut daut Läwen bloos von veselfst jekomen es. Wan daut soo wia, dan wudd wie Menschen uk bloos von veselfst oppjekomen sennen. Oba wan Jehova Gott daut Läwen jemoakt haft, wudd doa dan nich uk een Wuawäajen sennen? a Unjasto die daut, waut de Schreft sajcht, von wua daut Läwen häakjemt un wuarom eena daut uk jleewen kaun.
1. Woo haft daut met Himmel un Ieed aunjefongen?
En de Schreft kjenn wie läsen: “Aum Aunfank muak Gott Himmel un Ieed” (1. Mose 1:1). Woo muak Gott dee? Hee brukt sienen heiljen Jeist aus wirkjende Krauft toom dän Himmel un de Ieed moaken; soo aus aule Stierns un Planeeten (1. Mose 1:2). De mieeschte Forscha sent sikj uk eenich, daut de Himmel un de Ieed eenen Aunfank hauden.
2. Wuarom haft Gott de Ieed jemoakt?
Jehova haft de Ieed nich bloos fa Dommheit jemoakt, oba “om bewont too woaren” (Jesaja 45:18, JHF). Hee haft dee soo enjerecht, daut de Menschen doa fa emma kjennen een scheenet Läwen haben (läs Jesaja 40:28; 42:5). De Forscha sajen daut uk, daut de Ieed sea besonda es, wäajen daut de eensje Städ es, wua Menschen läwen kjennen, soo väl aus se weeten.
3. En waut fa Stekjen sent de Menschen aundasch aus de Tieren?
Aus Jehova ieescht de Ieed jemoakt haud, dan muak hee daut Läwen doabowen: ieescht aule Sorten Plaunten un Tieren un dan de Menschen, “dee soo wieren aus hee” (läs 1. Mose 1:27). Waut es bie de Menschen soo besonda? Wäajen wie soo jemoakt sent, daut wie Gott likjnen, kjenn wie biejlikj uk soo sennen aus hee un Leew wiesen ooda wiesen, daut wie daut rajchte jleichen. Wie sent uk soo jemoakt, daut wie kjennen Sproaken lieren, ons jleichen schmocket to beseenen ooda Leeda to horchen. Un wie kjennen uk onsen Schepfa deenen, waut de Tieren nich kjennen.
DOLLA UNJASTONEN
See mol, waut daut fa Bewies jeft, daut daut Läwen jemoakt es un daut eena daut jleewen kaun, waut de Schreft äwa de Schepfunk sajcht. Du woascht hia uk seenen, waut ons daut äwa Gott lieet, woo wie Menschen jemoakt sent.
4. Daut Läwen wort jemoakt
Menschen woaren jeloft, wan dee waut von de Natua nomoaken. Sull dan nich dän, waut de Natua jemoakt haft, väl dolla jeloft woaren? Kjikjt daut VIDEO un dan got toop dise Froag derch:
-
Waut haben Menschen sikj von de Natua nojemoakt?
Jieda Hus es von wäm jeplont un jebut. Oba wäa haft aules enne Natua jeplont un jemoakt? Läst Hebräa 3:4 un dan got toop dise Froagen derch:
-
Waut en de Natua motst du bewundren, woo besonda daut jemoakt es?
-
Es daut to jleewen, daut aules jemoakt wort? Wuarom jleefst du daut?
Hast du daut jewist?
Opp jw.org kaust du mea Artikjels un Videos äwa dit finjen bie “Wort daut jemoakt?” un “Wua daut Läwen häakjemt – Waut Forscha sajen”.
“Aule Hiesa woaren von wäm jebut. Oba dee, dee aules but, es Gott”
5. Waut de Schreft von de Schepfunk sajcht, es to jleewen
De Schreft sajcht en 1. Mose, Kapitel 1, woo de Ieed un daut Läwen doabowen aunjefongen haft. Oba kaun eena daut jleewen? Ooda es daut bloos waut utjedochtet? Kjikjt daut VIDEO un dan got toop dise Froagen derch:
-
Lieet de Schreft, daut de Ieed un daut Läwen doabowen en sas Doag von 24 Stund jemoakt wort?
-
Es daut, waut de Schreft von de Schepfunk sajcht, to jleewen? Wuarom wurscht du daut sajen?
Läst 1. Mose 1:1 un dan got toop dise Froag derch:
-
De Forscha sajen, daut de Ieed un de Stiernhimmel eenen Aunfank hauden. Woo paust daut met daut toop, waut du jroz enne Schreft jeläst hast?
Eenje Menschen wundren, aus Gott de Ewoluzion jebrukt haft toom daut Läwen moaken. Läst 1. Mose 1:21, 25, 27 un dan got toop dise Froagen derch:
-
Lieet de Schreft, daut Gott bloos irjenteen eefachet Läwen muak un daut et dan met de Tiet haft Fesch ooda aundre Tieren un Menschen doavon jejäft? Ooda muak hee aule veschiedne Sorten Läwes? b
6. Gott haft de Menschen besonda jemoakt
Wie sent nich soo aus de Tieren, waut Jehova muak. Läst 1. Mose 1:26 un dan got toop dise Froag derch:
-
Wie sent soo jemoakt, daut wie Gott likjnen. Soo, waut wiest ons daut dan äwa Gott, daut wie Leew un Metleet wiesen kjennen?
WAUT EENJE SAJEN: “Waut de Schreft von de Schepfunk sajcht, es bloos utjedocht.”
-
Waut denkjst du? Un Wuarom?
KAPITEL TOOPJEFOT
Jehova muak de Ieed, dän Stiernhimmel un aulet Läwen.
Waut hast du jelieet?
-
Waut lieet de Schreft, von wua de Ieed un de Stiernhimmel häakomen?
-
Haft Gott aule veschiedne Sorten Läwes loten derch een eefachet Läwen oppkomen ooda haft hee daut aula jemoakt?
-
Waut es bie de Menschen besonda?
MEA NOSIEEKJEN
Unjasto die daut, woo aules enne Natua erschaufen es.
See, woo een Voda sienen kjlienen Jung daut utlajcht, waut de Schreft von de Schepfunk sajcht.
Unjasto die daut, aus de Ewoluzion met de Schreft tooppaust.
“Brukt Gott de Ewoluzion toom aule Sorten Läwes moaken?” (Artikjel opp jw.org)
Waut haben de Forscha rutstudieet un jefungen? Wiest daut, daut daut Läwen jemoakt es ooda von veselfst oppjekomen? Unjasto die daut.
Der Ursprung des Lebens: Fünf Fragen kritisch beleuchtet (Heft)
a Daut 25. Kapitel woat mea doaräwa utlajen, waut Gott met de Menschen em Senn haft.
b Wan de Schreft von “Sort” rät, dan es doa eene groote Grupp Läwenwäsent met jemeent.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
