Wie sent Sinda, motten lieden un stoawen, wäajen de ieeschte beid Menschen, Adam un Eva, Gott ojjehuarsom wieren. a Oba wie sent nich onen Hopninj. Jehova haft sienen Sän Jesus Christus jeschekjt, om ons von Sind un Doot loostokjeepen. De Schreft lieet, daut Jesus derch sienen Doot een Leesjelt betold. Een Leesjelt es de Pries toom wäm looskjeepen. Waut wia de Pries? Jesus jeef sien Menschenläwen, waut onen Fäla wia (läs Matäus 20:28). Jesus haud kunt eewich opp de Ieed läwen, oba hee wia reed, sien Läwen hantojäwen. Soo jeef hee ons de Mäajlichkjeit daut trigjtokjrieen, waut Adam un Eva vespält hauden. Jesus wees uk, woo sea hee un Jehova ons leewen. Dit Kapitel woat die halpen, noch dankboara to sennen, daut Jesus fa ons storf.

1. Woo halpt Jesus sien Doot ons vondoag dän Dach?

Wiels wie Sinda sent, doo wie välet, waut Jehova nich jefelt. Oba wie kjennen doawäajen goode Frind met Jehova woaren, wan ons onse Sinden werkjlich leet sent un wan wie Jehova derch Jesus Christus no Vejäwunk froagen. Un wie motten uk ons bastet doonen, soone Sinden nich wada to doonen (1. Johanes 2:1). De Schreft sajcht: “Christus storf uk eemol fa aul ons Sinda, dee Jerajchta fa de ojjerajchte, daut hee ons met Gott toopbrinjen kunn” (1. Petrus 3:18).

2. Woo woat Jesus sien Doot ons lota halpen?

Jehova schekjt Jesus, daut dee sien volkomnet Menschenläwen jeef, “daut aul dee, dee aun am [Jesus] jleewen, nich veloaren gonen, oba daut eewje Läwen haben” (Johanes 3:16). Wiels Jesus daut deed, woat Jehova boolt aul daut schlajchte fiksen, waut derch Adam sienen Ojjehuarsom kjeem. Daut meent, daut wan wie aun Jesus sien Opfa jleewen, woa wie kjennen fa emma een scheenet Läwen haben oppe Ieed en een Paradies! (Jesaja 65:21-23).

 DOLLA UNJASTONEN

3. Jesus sien Doot moakt ons von Sind un Doot frie

1. Adam wia onen Fäla un dan wort hee ojjehuarsom un brocht Sind un Doot äwa de Menschen

2. Jesus wia onen Fäla un jehorcht Gott. Un doaderch kjennen de Menschen volkomen woaren un fa emma läwen

4. Jesus sien Doot kaun aule Menschen togood komen

 5. Daut Leesjelt es Jehova sien Jeschenkj fa die

Jehova siene Frind seenen daut Leesjelt aus een Jeschenkj. Biejlikj läst Galata 2:20 un dan got toop dise Froag derch:

• Woo wees de Apostel Paulus, daut hee daut Leesjelt aus een Jeschekj fa am selfst tald?

Wäajen Adam sindijd, musten hee un aul siene Nokomen stoawen. Oba Jehova schekjt sienen Sän, fa ons to stoawen. Un doaderch hast du de Jeläajenheit, eewich to läwen.

Wan jie dise Bibelvarzhen läsen, dan denkjt doaräwa no, woo Jehova daut mucht jegonen haben, aus sien Sän lieden must. Läst Johanes 19:1-7, 16-18 un dan got toop dise Froag derch:

• Woo denkjst du doaräwa, waut Jehova un Jesus fa die jedonen haben?

 KAPITEL TOOPJEFOT

Wäajen Jesus storf, kaun Jehova onse Sinden vejäwen un wie kjennen fa emma läwen.

Waut hast du jelieet?

• Wuarom storf Jesus?

• Wuarom kjenn wie sajen, daut Jesus sien volkomnet Menschenläwen een paussendet Leesjelt wia?

• Woo kaun Jesus sien Doot die togood komen?