46. KAPITEL
Wuarom wie ons sellen Gott hanjäwen un deepen loten
Sikj Jehova hanjäwen bediet, daut eena am en een Jebäd vesprakjt, daut eena bloos am deenen woat un daut hee daut ieeschte en eenem sien Läwen sennen woat (Psalm 40:9). No daut lat eena sikj deepen. Doaderch wiest eena aundre, daut eena sikj Jehova hanjejäft haft. Sikj Jehova hantojäwen es waut sea iernstet. Daut es de wichtichste Entscheidunk, waut eena jeemols em Läwen moaken kaun. Waut kaun eenem bat doa brinjen?
1. Waut brinjt eenem bat doa, sikj Jehova hantojäwen?
Wie jäwen ons Jehova han, wiels wie am leewen (1. Johanes 4:10, 19). De Schreft rot ons too: “Du saust dän Harn, dienen Gott, von gaunzem Hoaten, met gaunze Seel, met aule Jedanken un aul diene Krauft goot sennen” (Markus 12:30). Wie sajen nich bloos, daut wie Gott leewen; wie wiesen daut uk derch daut, waut wie doonen. Onse Leew fa Jehova brinjt ons bat doa, ons am hantojäwen un ons deepen to loten. Daut es krakjt soo aus bie een Poa, waut sikj befrieen well: de Leew brinjt dee bat doa.
2. Woo woat Jehova siene jedeepte Zeijen säajnen?
Wan du die deepen latst, dan woascht du Poat von Jehova siene schaftje Famielje. Du woascht siene Leew dan noch dolla späaren un am noch noda komen, aus du nu aul best (läs Maleachi 3:16-18). Jehova es dien Voda un dan woascht du uk noch oppe gaunze Welt Breeda un Sestren haben, waut am leewen un uk die leewen (läs Markus 10:29-30). Ea du die kaust deepen loten, motst du eenjet doonen. Du motst Jehova kjanen lieren, am lieren to leewen un Gloowen aun sienen Sän haben. Un dan motst du die Jehova hanjäwen. Wan du aul dit deist un die deepen latst, dan woascht du fa emma kjennen een scheenet Läwen haben. Gott sien Wuat sajcht: “Waut ... junt nu raden woat, daut es daut Deepen” (1. Petrus 3:21, JHF).
DOLLA UNJASTONEN
See mol, wuarom daut wichtich es, daut du die Jehova hanjefst un die deepen latst.
3. Wie motten ons aula entscheiden, wäm wie deenen
Ieeschtemma en Israel jleewden eenje Menschen, daut see kunnen beides doonen: Jehova deenen un uk dän Aufgott Baal. Oba Jehova schekjt sienen Profeet Elia toom an daut dietlich moaken, daut et orrajcht wia. Läst 1. Kjennichs 18:21 un dan got toop dise Froag derch:
-
To waut musten de Israeliten sikj eenich woaren?
Krakjt soo aus de Israeliten mott wie ons uk eenich woaren, wäm wie deenen wellen. Läst Lukas 16:13 un dan got toop dise Froagen derch:
-
Wuarom kjenn wie nich Jehova un to deeselwje Tiet uk noch sestwäm ooda sestwaut aunbäden?
-
Woo kjenn wie Jehova wiesen, daut wie bloos am deenen wellen?
4. Denkj doaräwa no, woo sea Jehova die leeft
Jehova haft ons väl goodet jejäft. Waut kjenn wie am jäwen? Kjikjt daut VIDEO.
Waut es eenjet, woo Jehova die jewäsen haft, daut hee die leeft? Läst Psalm 104:14-15 un 1. Johanes 4:9-10 un dan got toop dise Froagen derch:
-
Fa waut best du besonda dankboa, waut Jehova die jeef?
-
Woo feelst du die, wan du aun aul daut denkjst, waut hee die jejäft haft?
Wan wie von wäm een Jeschenkj kjrieen, waut wie sea jleichen, dan well wie dänjanjen secha onse Dankboakjeit wiesen. Läst 5. Mose 16:17 un dan got toop dise Froag derch:
-
Wan du äwa aul daut nodenkjst, waut Jehova aul fa die jedonen haft, waut wurscht du am dan wellen jäwen?
5. Wan du die Jehova hanjefst, dan woat hee die sea säajnen
Väl Menschen jleewen: Goot aunjeseenen sennen, eene goode Oabeit haben ooda väl Jelt moaken, woat an schaftich moaken. Es daut soo? Kjikjt daut VIDEO un dan got toop de Froagen derch, waut hia aunjejäft sent.
-
Wan de Maun en daut Video daut uk sea jleicht, Footbaul to spälen, wuarom hieed dee dan doamet opp?
-
Hee wort sikj eenich, Jehova to deenen, enne Städ Footbaulspäla to sennen. Jleefst du, hee deed daut rajchte? Wuarom?
Ea de Apostel Paulus een Christ wort, studieed hee daut judische Jesaz un wort von eenen wichtjen Liera huach utjelieet. Oba hee leet daut aula toch toom een Christ woaren. Wort Paulus daut leet? Läst Filippa 3:8 un dan got toop dise Froagen derch:
-
Wuarom säd Paulus, daut et aules “Drakj” ooda Mell wia, waut hee deed, ea hee een Christ wort?
-
Waut kjrieech hee enne Städ daut?
-
Waut, jleefst du, woat dien Läwen bäta moaken: Jehova deenen ooda irjent sestwaut doonen?
Aus Paulus een Christ wort, kjrieech hee väl mea, aus waut hee oppjejäft haud
WAUT EENJE SAJEN: “Ekj weet, daut es de Woarheit, oba ekj sie noch nich reed, mie Gott hantojäwen.”
-
Wuarom, denkjst du, wudd eena sikj sellen Jehova hanjäwen?
KAPITEL TOOPJEFOT
De Leew brinjt ons bat doa, ons Jehova hantojäwen un deepen to loten.
Waut hast du jelieet?
-
Wuarom vedeent Jehova daut, daut wie am met ons gaunzet Hoat leewen un deenen?
-
Woo beloont Jehova siene jedeepte Zeijen?
-
Wurscht du jleichen, die Jehova hantojäwen?
MEA NOSIEEKJEN
See, wuarom eene Sinjarin un een Footbaulspäla sikj Jehova hanjeewen.
Waut junge Menschen weeten wellen: No waut saul ekj sträwen? – Erfoarungen (6:54)
See noch waut, wuarom du die sust Jehova hanjäwen.
“Wuarom wurscht du die sellen Jehova hanjäwen?” (De Woaktorm, 15. Jaunewoa 2010)
See en dit Musikj-Video, woo schaftich dee sent, waut sikj Jehova hanjäwen.
Läs de Jeschicht “Ekj wundad aul fa Joaren, to waut wie läwen”. See, wuarom eene Fru doaräwa nodocht, waut daut wichtichste fa ar wia.
“De Schreft haft äa Läwen veendat” (De Woaktorm, 1. Nowamba 2012)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
