“De Menschensän kjeem . . . sien Läwen hantojäwen, väle loostokjeepen” (Matäus 20:28)

Wuarom fält ons daut Leesjelt?

• 1. Mose 3:17-19

  Adam wia ojjehuarsom; hee kunn nich mea Jehova sien Frint sennen un vespäld sien volkomnet Läwen un uk daut Paradies.

• Reema 5:12

  Wie haben von Adam de Sind un dän Doot metjeorwen.

• Efeesa 1:7

  Derch daut Leesjelt moakt Jehova de Menschen von de Sind un dän Doot frie.

“Gott wees ons woo goot hee ons wia aus hee sienen eensjen Sän en de Welt schekjen deed, daut wie derch am läwen sellen” (1. Johanes 4:9)

Woo haft Jehova daut Leesjelt towäaj jeschauft?

• Psalm 49:8-9

  Kjeena von ons kunn daut Leesjelt betolen, om daut volkomne Läwen trigjtokjeepen, waut Adam derch de Sind vespäld.

• Lukas 1:35

  Jehova schekjt sienen leewen Sän no de Ieed, un dee wort aus een volkomna Mensch jebuaren.

• Reema 3:23-24; Hebräa 9:24

  Nodäm daut Jesus vom Doot oppstunt, fua hee trigj nom Himmel. Doa jeef hee Jehova soo to sajen sien volkomnet Menschenläwen trigj un betold doaderch daut Leesjelt.

“Gott woat an aule Tronen von de Uagen weschen. Doa woat kjeen Doot . . . mea sennen” (Openboarunk 21:4)

Woo kjemt daut Leesjelt ons togood?

• 1. Johanes 1:8-9

  Ons kjennen de Sinden vejäft woaren.

• Hebräa 9:13-14

  Wie kjennen een reinet Jewessen ver Gott haben.

• Reema 6:23

  Wie haben de Hopninj, eewich to läwen.

• Galata 2:20

  Daut Leesjelt bewiest, daut Jehova un Jesus ons opp iernst leewen.

Gott jeef sienen eensjen Sän, daut aul dee, dee aun am jleewen, daut eewje Läwen haben (Johanes 3:16)

Woo kjenn wie wiesen, daut wie Gott fa daut Leesjelt dankboa sent?

• Johanes 17:3

  Wan wie mea äwa Jehova un Jesus lieren un dee nodoonen.

• Lukas 22:19

  Wan wie jieda Joa bie dän Harn sien Owentmol sent.

• Johanes 3:36; Jakobus 2:26

  Wan wie nich bloos sajen, daut wie aun Jesus jleewen, oba daut uk doonen, waut hee ons jelieet haft.