Jakob wist, daut Jehova daut vedeend, daut bloos am auleen aunjebät wort, mau rajcht, wan hee uk noch kjeen Jesaz jäajen Aufjettarie jejäft haud (2Mo 20:3-5). Nodäm daut Jehova am befool, trigj no Betel to trakjen, säd Jakob to aulem, daut see sullen äare Aufjetta aufstonen. Jakob riemd dan aule Aufjetta opp, uk de Uarenrinj, waut dee woomäajlich brukten toom Jlekj brinjen (1Mo 35:1-4). Onen Twiewel haud Jehova eenen Jefaulen doaraun, waut Jakob deed.

Woo kjenn wie en onse Tiet bloos Jehova aunbäden? Daut kjenn wie, wan wie aules utem Stich gonen, waut met Aufjettarie ooda Zaubarie to doonen haft. Doa wudd met en sennen, aule Sachen auftostonen, waut met Zaubarie to doonen haben, un uk goot onsen Tietvedrief to unjasieekjen. Denkj mol äwa no: Jleich ekj Bieekja ooda Films, wua soo waut aus Jeistawäsen ooda Zaubakrauft bennen es? Es mank mien Tietvedrief soont, wua eenem enjebilt woat, daut et nuscht waut schlemmet es, to zaubren ooda eenen Fluch opp wäm to saten? Wie sullen wiet auf von soont bliewen, waut Jehova haust (Ps 97:10).

KJIKJ DAUT VIDEO “STALT JUNT JÄAJEN DÄN BEESEN FIENT” , UN DAN BEAUNTWUAT DISE FROAGEN:

• Waut fa een Trubbel kjeem en Palesa äa Läwen opp?

• Wuarom es daut weis, de Eltestasch no Help to froagen, wan wäa wäajen Zaubarie Trubbel haft?

• Waut fa Sachen mott eena gaunz aufstonen, wan eena Jehova sienen Schutz haben well?

• To waut wort Palesa sikj eenich?

• Waut es eenjet, woo du en diene Jäajent kaust von soont wajchbliewen, waut met de beese Jeista to doonen haft?