Em Septamba woa wie ons sea aunstrenjen, jieda eenem een Bibelstudium auntobeeden met daut Läwen-fa-emma-Heft. De Vekjindja kjennen en dee Moonat Pioniahelpa sennen fa 30 Stund. Woo kjenn wie dit besondre prädjen doonen?

• Bie de ieeschte Vetal: Bruck de hinjaschte Sied von daut Heft, om dän nieschierich to moaken, un proow dän to wiesen, woo een Bibelstudium schauft. Hool em Denkj wäa intressieet wia, wua uk de Wadabesuchs met en sent. Wan dee ea uk nich studieren wullen, wellen dee nu veleicht, soo aus daut met daut niee Heft jedonen woat. Dise Hefta sellen nich doa jeloten woaren, wua kjeena tus es un uk nich met eenen Breef toop no wäm jeschekjt, waut verhäa nich intressieet wia. Daut Deenstkommitee von de Vesaumlunk woat veleicht noch oppoat Toopkomes fa dän Prädichtdeenst plonen fa dise Moonat.

• Aundre Mäajlichkjeiten: Wan june Vesaumlunk dän Bieekjakrota brukt, dan wies daut Läwen-fa-emma-Heft doa. Saj to deejanje, waut sikj daut Heft metnämen, daut jie met an de Bibel studieren kjennen. Wies deejanje doa jroz, woo een Bibelstudium schauft ooda doo daut lota. De Deenstoppsechta woat sikj veleicht eenje Vekjindja utläsen, waut no de Jeschafta gonen kjennen un de Menschen doa een Bibelstudium aunbeeden. Jie kjennen uk june Oabeitspoatna een Bibelstudium aunbeeden ooda wan jie wäm opp Jeläajenheit trafen.

Jesus jeef ons daut Jeboot: “Moakt . . . Lieelinja” un “lieet an” (Mat 28:19-20). Mucht dit besondre prädjen ons halpen, de Menschen een Bibelstudium auntobeeden met daut Heft Een scheenet Läwen fa emma!