WUAROM DAUT JEDONEN SAUL: Soo aus aundret Jereetschoft, es daut uk hendich, wan eena sikj kaun met aundre äwa Internet unjahoolen, oba daut kaun uk Schoden aunrechten. Eenje Christen wellen soowaut nich brucken. Aundre wada brucken daut, daut see sikj kjennen met äare Famielje un Frind unjahoolen. De beesa Fient well, daut wie onbedocht doamet omgonen. Oba daut wudd ons eenen sea schlajchten Nomen moaken un wudd ons uk em Gloowen schoden. Soo aus Jesus well wie de Gruntsauzen ut Gott sien Wuat brucken, daut wie de Jefoaren seenen un dee dan utem Stich gonen (Luk 4:4, 8, 12).

DE JEFOAREN UTEM STICH GONEN:

• Too väl Tiet doa nenspenden. Wan eena doa stundenlank met to doonen haft, dan kaun eenem daut de wieetvolle Tiet fa daut jeistelje wajchnämen

  Biblische Gruntsauzen: Ef 5:15-16; Flp 1:10

• Soont kjikjen, waut sikj veleicht aul nich jehieet. Wan eena sikj oppreizende Bilda besitt, dan kunn eena sikj aunwanen, noaktjet ooda orreinet to kjikjen. Wan eena Sachen von Aufjefolne läst, dan kunn eenem daut em Gloowen schoden

  Biblische Gruntsauzen: Mat 5:28; Flp 4:8

• Doa soont nenschriewen ooda soone Bilda schekjen, waut sikj nich jehieren. Daut Hoat es hinjalestich un doawäajen kaun daut passieren, daut eena waut schrift ooda Bilda schekjt, waut nich goot sent. Un daut kaun eenem eenen schlajchten Nomen moaken ooda em Gloowen schwak moaken

  Biblische Gruntsauzen: Ree 14:13; Ef 4:29

KJIKJ DAUT VIDEO HAST FRIND EM INTERNET, NEMM DIEN VESTAUNT UK MET, UN DAN ÄWALAJ, WOO DU DIE FA DIT HEEDEN KAUST: