Daut es nich leicht, wieda daut ieeschte no Gott sien Rikj un no siene Jerajchtichkjeit to sträwen, wan daut schwoa es, eene Oabeit to finjen. Dan kaun eenem daut jankren, eene Oabeit auntonämen, wua eena Jehova nich soo fein deenen kaun ooda waut soogoa jäajen de Schreft es. Oba wie kjennen ons secha sennen, daut Jehova dee biesteit, “waut am met een onjedeeldet Hoat vetruen” (2Ch 16:9). Nuscht kaun onsen leeftoljen Voda doavon aufhoolen, ons to halpen un ons daut to jäwen, waut ons fält (Ree 8:32). Doawäajen sell wie ons opp Jehova veloten un dän Deenst fa am aun de ieeschte Städ stalen, wan wie waut entscheiden motten, waut met de Oabeit to doonen haft (Ps 16:8).

KJIKJ DAUT VIDEO SCHAUF VON HOATEN FA JEHOVA, UN DAN BEAUNTWUAT DISE FROAGEN:

• Wuarom leet Jason sikj nich bekjeepen?

• Waut kjenn wie von Kolossa 3:23 lieren?

• Waut deed Jason sien goodet Biespel aun Thomas?

• Waut kjenn wie von Matäus 6:22 lieren?