En Nowamba woa wie ons besonda aunstrenjen de goode Norecht bekaunttomoaken, daut eene bätre Welt dicht bie es! (Ps 37:10-11; Opb 21:3-5). Recht die daut soo en, daut du kaust soo väl aus mäajlich bie dit besondre prädjen metmoaken. Aul dee, waut Pioniahelpa sent, kjennen utwälen, aus dee en dise Moonat 30 ooda 50 Stund prädjen wellen.

Moak die doaropp reed, soo väl Menschen aus mäajlich eenen Bibelvarsch von de niee Welt to wiesen. Sieekj die soonen Varsch ut, waut fa de Menschen en diene Jäajent paussent es. Wan doa wäa bie de ieeschte Vetal intressieet es, dan jeff dänjanjen dän Woaktorm (Utgow fa aulemaun) Num. 2 2021. Wank doa soo schwind aus mäajlich wada han un proow een Bibelstudium auntofangen met daut Läwen-fa-emma-Heft. Woo scheen es daut nich, doamet drock to sennen, met aundre äwa eene “scheene Norecht” to räden! (Jes 52:7).

KJIKJ DAUT VIDEO VON DAUT BESONDRE LEET DE NIEE WELT, WAUT GOTT VESPRAKJT, UN DAN BEAUNTWUAT DISE FROAGEN:

• Waut fa wundascheenet stalt de kjliene Mejal sikj väa?

• To waut freist du die en de niee Welt?

• Wuarom woat die daut noch dolla jankren, flietich bie daut besondre prädjen en Nowamba mettomoaken, wan du äwa diene Hopninj nodenkjst? (Luk 6:45).