Wan wie de Schreft studieren, kjenn wie veschiednet brucken toom noforschen, om daut bäta to vestonen, waut wie läsen. Oba wie doonen daut nich bloos, om väl von de Schreft to weeten. Wie wellen no jeistelje Schaza äwa Jehova sieekjen, daut wie am bäta kjanen lieren un dolla leewen. Wie kjennen äwa dit nojrebblen: “Waut lieet dis Bibelvarsch mie äwa Jehova?”

Wie kjennen biejlikj doano kjikjen, woo Jehova siene Leew, Weisheit, Jerajchtichkjeit un Krauft jewäsen haft. Oba Jehova haft noch mea Ieejenschoften, wua wie von lieren kjennen. Wua kaust du mea doaräwa finjen?

Du kaust eene List met äwa 50 Ieejenschoften finjen, en dän Index der Wachtturm-Publikationen bie daut Teema “Jehova” un doa bie de Äwaschreft “Eigenschaften nach Namen”. Lia mea äwa dee Ieejenschoften, waut met de Jeschicht paussen, waut du jroz läst. (Wan du bloos dän Studienleitfaden für Jehovas Zeugen hast, kjikj bie daut Teema “Jehova Gott” un bie de Äwaschreft “Jehovas Eigenschaften”.)