Hast du de latste Woaktorms oppmoakjsom jeläst? See mol, aus du de Froagen hia beauntwuaten kaust:

Woo wiest de Schreft, daut Gott met ons Metjefeel haft?

Aus de Israeliten ieeschtemma en Ägipten Sklowen wieren un lieden musten un daut schwoa hauden, wia Gott besorcht äwa dee (2. Mo. 3:7; Jes. 63:9). Gott muak ons soo, daut wie am likjnen, un doawäajen kjenn wie Metjefeel haben. Gott haft mau rajcht dan Metjefeel met ons, wan wie ons daut nich mol wieet feelen, daut hee ons leeft (wp18.3-X, S. 8-9).

Woo holpen Jesus siene Lieren de Menschen, rajcht äwa aundre to denkjen?

Een deel Juden en Jesus siene Tiet dochten schlajcht äwa aundre. Christus säd, siene Nofolja sullen deemootich sennen un nich eenen Unjascheet manke Raussen moaken. Hee wull haben, see sullen sikj unjarenaunda aus Breeda talen (w18.06, S. 9-10).

Waut kjenn wie doavon lieren, daut Gott Moses nich leet en daut vesproakne Launt nengonen?

Moses wia een groota Frint met Jehova (5. Mo. 34:10). Aus de 40 Joa en de Wiltnis meist om wieren, bekloagden de Israeliten sikj wada, daut see nich Wota hauden. Gott säd to Moses, daut hee to dän Steen räden sull. Oba Moses schluach dän Steen. Jehova wort veleicht doll, wäajen Moses siene Aunwiesungen nich nokjeem ooda wäajen hee am nich de Iea jeef fa daut Wunda (4. Mo. 20:6-12). Dit saul ons lieren, woo wichtich daut es, Jehova to jehorchen un to ieren (w18.07, S. 13-14).

Wuarom kjenn wie ons leicht teischen, wan wie aundre doano rechten, waut von buten to seenen es?

Väle rechten aundre no daut butaliche, biejlikj no de Rauss, woo väl Jelt eena haft ooda woo oolt eena es. Wie motten ons bemieejen, aundre soo to seenen, aus Gott dee sitt (Apj. 10:34-35) (w18.08, S. 8-12).

Bie waut biejlikj kjennen elre Christen methalpen?

Een elra Christ, waut eene aundre Oppgow jekjräajen haft, es bie Gott doawäajen noch väl wieet un kaun väl fa aundre doonen. Hee kaun sikj om aundre äare Ehepoatna kjemren, waut nich en de Woarheit sent, Bibelstudiums derchfieren, soone halpen, waut nich mea prädjen, un mea em Deenst doonen (w18.09, S. 8-11).

Waut jehieet to ons Jereetschoft fa dän Deenst?

Wie haben de JW.ORG-Koatjes, Enlodungen, acht feine Zeichnisbläda un de Tietschreften De Woaktorm un Erwachet!. To ons Jereetschoft jehieren uk noch een poa Hefta un twee Bieekja, waut uzhent fa Bibelstudiums sent, un vea feine Videos, biejlikj Wuarom loont sikj daut, de Bibel studieren? (w18.10, S. 16).

Woo kaun een Christ sikj de Woarheit veschaufen, soo aus Spricha 23:23 sajcht?

Wie brucken nich Jelt toom de Woarheit kjanen lieren, oba wie motten ons aunstrenjen un ons doafäa Tiet nämen (w18.11, S. 4).

Waut kjenn wie doavon lieren, woo Hosea met siene Fru Gomer omjinkj?

Gomer bruak mieremol de Ehe, oba Hosea vejeef ar un bleef met ar toop. Wan eenen Christ sien Ehepoatna Huararie bejeit, dan kaun dee dän vejäwen. Wan de trua Ehepoatna wada met dän aundren jeschlajchtlich toopkjemt, dan es doa no de Schreft no kjeen Grunt mea fäa, daut dee sikj kjennen scheeden loten (w18.12, S. 13).