WOAT WAKA! Num. 3 2021 | Jeft daut eenen, waut aules jemoakt haft? Unjasto die daut
Menschen denkjen sea veschieden doaräwa, woo daut met dän Stiernhimmel un de Ieed mol aunfunk. En dit Woat waka! finjst du een deel Bewies doafäa. Unjasto die dise Sach mol selfst! Kjeem aules eefach onen Uasoak tostaund ooda haft daut wäa jemoakt? De Auntwuaten doaräwa to weeten, kaun die sea togood komen.
Unjasto die daut!
Väle haben sikj äwa de Natua Jedanken jemoakt un woo daut Läwen mol aunjefongen haft.
Waut wiest daut Uniwersum ons?
Aules lat doano, daut daut Uniwersum un de Ieed fa daut Läwen enjerecht es. Kunn daut sennen, daut et von wäm jemoakt wort?
Waut wiest daut Läwen ons?
Läwendje Sachen moaken de Ieed besonda scheen. Waut lieren dee ons doaräwa, woo daut Läwen mol aunjefongen haft?
Waut weeten de Wissenschoftla nich?
Weeten Wissenschoftla secha, woo daut met daut Uniwersum un daut Läwen aunfunk?
Waut wiest de Bibel ons?
Stemt de Bibelberecht met daut, waut de Forscha rutjefungen haben?
Wuarom sust du daut weeten?
Wan de Bewies die daut secha moaken, daut doa een aulmajchtja Gott es, dan woascht du nu eenen Nutzen haben un fa emma.
Unjasto die dän Bewies
Unjasto die daut selfst, aus doa Bewies es toom aun eenen Schepfa jleewen.
