Weeten de Wissenschoftla daut fa secha, woo daut Uniwersum un daut Läwen aunfunk? Rajcht jesajcht nich. Eenje sajen, daut dee Wissenschoftla, waut daut Uniwersum studieren, sajen kjennen, wua daut häakjemt. De Professa Marcelo Gleiser, waut nich aun Gott jleeft, sajcht doatoo: “Wie haben daut noch verheipts nich kunt rutfinjen, woo daut met daut Uniwersum aunfunk.”

Äwa dän Aunfank von daut Läwen sajcht een Artikjel en Science News: “Daut schient ommäajlich to sajen, woo daut Läwen opp de Ieed aunfunk, wiels de mieeschte Steena un vesteenade Tieren (fossils) von don aul lang veschwungen sent.” Dit wiest ons, daut de Wissenschoftla nich erkjläaren kjennen, woo daut met daut Uniwersum un daut Läwen mol aunfunk.

Nu denkjst du veleicht: Wan irjenteena daut Läwen jemoakt haft, wäa wia daut? Du hast veleicht uk mol äwa soont aus dit jedocht: Wan daut eenen weisen un leeftoljen Schepfa jeft, wuarom lat dee ons Menschen dan lieden? Wuarom lat hee daut too, daut et soo väl veschiedne Gloowes jeft? Woosoo deit hee nuscht doajäajen, daut “siene Deena” soo väl schlajchtet doonen?

De Wissenschoft kaun ons aul dit nich beauntwuaten. Daut meent doawäajen nich, daut du de Auntwuaten nich finjen kaust. Väl Menschen haben dee aul en de Bibel jefungen.

Wurscht du jleichen to weeten, wuarom eenje Wissenschoftla nu aun eenen Schepfa jleewen, wiels dee de Bibel studieeden? Dan kjikj opp jw.org bie “Wua daut Läwen häakjemt – Waut Forscha sajen”.