BLIEFT WIEDA WAKA!

2022: Een Joa met väl schlajchte Norechten – Waut sajcht de Schreft doaräwa?

AUFSPÄLEN

En 2022 wia en de Norechten foaken von Kjrich to hieren un uk doavon, daut Menschen daut em tieteljen schwoa hauden un von Natua-Ojjlekjs. Bloos de Schreft kaun ons sajen, waut dise Sachen werkjlich bedieden.

Waut aul daut werkjlich bediet, waut en 2022 passieed

Aul daut, waut en 2022 passieed, es Poat von dän Bewies, daut wie en “de latste Doag” läwen (2. Timotäus 3:1, PB). De Tiet von “de latste Doag” funk en daut Joa 1914 aun. See mol, woo de Schreft aul dit krakjt verutsäd:

“Kjrich” (Matäus 24:6, PB)

“En 2022 beläwd Europa wada, woo schrakjlich väl Schoden een Kjrich aunrecht.” a

See dän Artikjel “Russlaunt kjemt met Jewault en de Ukraine nenn”.

“Hungaschnoot” (Matäus 24:7, PB)

“2022: Een Joa met butajeweenlich väl Hungaschnoot.” b

See dän Artikjel “Wäajen dän Kjrich en de Ukraine woat daut Äten aulawäajen emma knaupa”.

“Pestilenz” (Lukas 21:11, PB)

“Krankheiten soo aus Kjinjalämunk (ooda Polio) kjeemen wada trigj, dan musten väle noch lieden, wäajen de Open-Pocken-Krankheit, un COVID-19 recht noch emma väl Schoden aun. Aul daut muak dietlich, woo jefäadlich äwaschlapende Krankheiten sent un woo leicht ons Menschen daut toosaten kaun.” c

See dän Artikjel “6 Millionen Menschen sent aun de COVID-Krankheit jestorwen”.

“Schrakjeljet un groote Tieekjens” (Lukas 21:11, PB)

“Em Somma 2022 wia daut opp Städen butajeweenlich heet ooda too drieech, daut jeef Fia un Äwaschwamungen. Doawäajen jeef daut oppe gaunze Welt väl Schoden, dusende Menschen musten stoawen un Millionende musten sikj no aundre Städen fuatbrinjen.” d

See dän Artikjel “Oppe gaunze Welt es daut woama aus jeweenlich”.

“Opprua” (Lukas 21:9, PB)

“Wiels väl Menschen veoajat wieren, jeef daut en 2022 väl mea Opprua jäajen de Rejierungen; besonda wäajen aules emma diera woat.” e

See dän Artikjel “Äwa de gaunze Welt woat aules haustich diera”.

Waut woat näakjstet Joa passieren?

Kjeena kaun daut krakjt verutsajen, waut en 2023 woat woaren. Oba eent weet wie fa secha: Gott sien Kjennichrikj, aulsoo siene himlische Rejierunk, woat oppe Ieed väl veendren (Daniel 2:44). Dise Rejierunk woat de Uasoak fa aulet menschelje Lieden oppriemen un secha moaken, daut Gott sien Wellen oppe Ieed jedonen woat (Matäus 6:9-10).

Wie roden die drinjent too, Jesus sienen Rot en Markus 13:37 (PB) notokomen, wua hee sajcht “Woakt!”, soo daut du seenen kaust, woo sikj aul daut en onse Tiet erfelt, waut de Schreft verutsajcht. Wie sent wellich reed, die met de Schreft mea doaräwa uttolajen. Du woascht seenen, woo de Schreft die nu aul halpen kaun un woo du un diene Famielje eene scheene Hopninj fa lota kjrieen kjennen.

a “2022 Was Year the Horror of War Returned to Europe,” by Jill Lawless, December 8, 2022 (AP News).

b “A Global Food Crises (World Food Programme).”

c “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022 (JAMA Health Forum).

d “What’s Behind the Record-Breaking Extreme Weather Events of Summer 2022?” by Martina Igini, October 24, 2022 (Earth.Org).

e “Economic Anger Dominated Global Protests in 2022,” by Thomas Carothers and Benjamin Feldman, December 8, 2022 (Carnegie Endowment for International Peace).