Väle sent doabie, de wichtje Entscheidunk moaken, wäa äare niee Leidasch sennen woaren.

 Waut sajcht de Schreft doaräwa?

 De Bibel rät von waut, wuarenn aule Rejierungsmana too kort komen.

•   “Velot junt nich opp Aumtslied; daut sent mau Menschen un kjennen nich halpen. Wan äa Jeist an velat, woaren see wada Ieed, un krakjt dan es daut met aul äa Väanämen jewast” (Psalm 146:3-4, PB).

 Mau rajcht de baste Harscha woaren nochmol stoawen. Un dee kjennen nich vespräakjen, daut dee, waut no an komen woaren, uk feinet doonen woaren (Liera 2:18-19).

 De Schreft lieet, daut Menschen nich jemoakt sent toom äwa sikj selfst rejieren.

•   “Dän Maun, dee doa wankt, jehieet daut nich mol, sienen Schrett to rechten” (Jeremia 10:23, NW).

 Wäa kunn dan, en dise Tiet, een feina Leida sennen?

 De Schreft wiest, daut Gott Jesus Christus aus Kjennich ooda Leida aunjestalt haft. Jesus es emstaunt doatoo un opp am es to veloten (Psalm 2:6). Hee es de Kjennich von Gott sien Kjennichrikj; daut es eene Rejierunk em Himmel, un dee rejieet aul (Matäus 6:10).

 Woascht du Jesus aus dienen Leida wälen? De Bibel wiest, wuarom daut soone wichtje Entscheidunk es:

•   “Kust dän Sän [Jesus Christus] met zetren, daut hee [Gott] nich doll woat, un jie dan opp däm Wajch omkomen, wiels sien Oaja es leicht aunjestekjt. Oba goot fa dee, dee äa vetruen opp Gott saten!” (Psalm 2:11-12, PB).

 De Tiet, diene Entscheidunk to moaken, es nu. De Schreft wiest, daut Jesus en daut Joa 1914 aunfunk to rejieren un daut Gott sien Kjennichrikj boolt enne Städ aule menschelje Rejierungen harschen woat (Daniel 2:44).

 Wan du mea doaräwa weeten west, woo du Jesus aus Harscha unjastetten kaust, dan läs dän Artikjel “Unjastett Gott sien Kjennichrikj!”