Oppe gaunze Welt komen Jehova siene Zeijen een mol daut Joa toop toom daut Aundenkjen aun Jesus sienen Doot krakjt soo to fieren, aus Jesus ons daut oppjejäft haft. Un dee loden uk millionende aundre Menschen doatoo en (Lukas 22:19). Dit Toopkomen halpt ons to vestonen, woo wieetvoll daut es, daut Jesus sien Läwen fa ons Menschen jeef. Un daut woat ons uk wiesen, woo sien Doot ons nu aul kaun togood komen un uk lota (Johanes 3:16).

 Endoont aus du dit Joa bie dit besondre Toopkomen wieescht ooda nich, veleicht denkjst du: Woo kaun mie daut togood komen, daut Jesus sien Läwen fa ons jeef? Jesus lieed ons twee wichtje Sachen, waut wie doonen sellen:

1.  1. Wie sellen Gott un uk Jesus kjanen lieren. Aus Jesus to sienen himlischen Voda bäd, säd hee: “Daut eewje Läwen es dit: daut see die, dän eensich woaren Gott, un Jesus Christus, dän du jeschekjt hast, kjanen lieren” (Johanes 17:3, PB).

2.  2. Wie sellen daut nokomen, waut wie lieren. Jesus muak daut gaunz kloa, daut wie daut motten nokomen, waut wie von am lieren. Aus Jesus biejlikj opp eenen Boajch eene bekaunde Prädicht hilt, lowd hee jiedrem eenem, waut daut “hieet … un daut dan uk deit” ooda nokjemt (Lukas 6:46-48, PB, von ons dunkel jemoakt). Opp eene aundre Sauz, säd hee uk: “Wan jie dit nu weeten, dan sent jie seelich [ooda schaftich], wan jie daut uk doonen” (Johanes 13:17, PB, von ons dunkel jemoakt).

 Wurscht du wellen noch mea lieren äwa Gott un uk äwa Jesus un woo du daut nokomen kaust, waut du lieescht? Hia sent een poa Sachen aunjejäft, waut die halpen kjennen.

 Dit Bibelstudium, waut eenem nuscht kost, haft aul väl Menschen sea jeholpen, de Schreft bäta to vestonen un daut uk en dee äa Läwen notokomen, waut dee lieren.

•   Opp onse Websied kaust du lieren, woo daut es, met eenen Bibelliera toop de Bibel to studieren.

•   Kjikj daut Video Frei die toom de Schreft studieren, om to seenen, woo daut es, met Jehova siene Zeijen de Bibel to studieren.

 Jehova siene Zeijen komen twee mol de Wäakj toop bie dee äare Vesaumlungshiesa toom Gott aunbäden. Bie dise Toopkomes lia wie äwa de Schreft un woo wie daut, waut wie doa lieren, en ons Läwen kjennen nokomen.

 Du brukst nich eent von Jehova siene Zeijen sennen, om bie dise Toopkomes to sennen, wiels aule Menschen doa welkom sent. Du wurscht entwäda perseenlich no de Toopkomes komen kjennen ooda äwa Internet, krakjt doano woo de Omstend en diene Jäajent sent.

•   Kjikj daut Video Woo es daut en de Vesaumlungshiesa von Jehova siene Zeijen? Soo kaust du die daut bäta väastalen, woo daut wudd sennen, wan du doa wurscht han komen.

•   Toom utfinjen, wua en diene Jäajent de Toopkomes sent, go opp dise Websied nopp: De Toopkomes von Jehova siene Zeijen.

 Opp onse Websied sent väl Artikjels un Videos, waut die halpen kjennen, mea doaräwa to lieren, waut Jesus lieed un woo sien Doot die kaun togood komen.

 Toom mea doaräwa lieren, woo daut mäajlich es, daut een Mensch sien Doot, millionende kaun togood komen, dan kjikj daut Video Wuarom must Jesus stoawen? Ooda läs de Artikjels “Woo rat Jesus ons?” un “Warum musste Jesus leiden und sterben?”