•   “Een Berecht von China sajcht, daut wia doa dit Joa de heetste un meist de drieechste Somma, waut se jeemols jehaut haben” (The Guardian, 7. Septamba 2022).

•   “Daut es nu aul daut fefte Joa, wua daut opp Städen en Afrika grulich sea drieech es” (UN News, 26. August 2022).

•   “En äwa de Halft von gaunz Europa woat daut emma drieeja; daut sent nu aul 500 Joa, waut daut doa minkj nich soo drieech jewast es aus nu” (BBC News, 23. August 2022).

 Väl Utjelieede sajen, daut daut met daut drieeje Wada wieda gonen woat, un daut daut noch woat oaja woaren. Jeft daut doch noch Rot, daut daut kaun bäta woaren? Waut sajcht de Schreft doaräwa?

 Dit es, waut de Schreft fa onse Tiet verutsäd:

•   “Doa woat opp veschiedne Städen . . . Hungaschnoot . . . sennen” (Lukas 21:11, PB).

 Hungaschnoot kjemt foaken derch daut drieeje Wada. Derch soone Hungaschnoot kjemt väl Lieden un uk Doot. Un daut es krakjt daut, waut de Schreft verutsäd (Openboarunk 6:6, 8).

 Derch de Bibel kjenn wie vestonen, waut eent von de Uasoaken es, wuarom daut emma drieeja woat. Daut sajcht doa:

•   “De Mensch . . . kaun nich bestemmen, woo daut Läwen utkjemt” (Jeremia 10:23, PB).

 Waut meent daut? Daut meent, de Menschen kjennen nich goot äwa aundre rejieren. Foaken doonen dee waut, waut schlajcht utkjemt un doaderch woat daut Wada emma drieeja un daut Wota knaupa.

•    De mieeschte Forscha sent sikj eenich, daut de Menschen daut veuasoaken, daut daut Wada äwa de gaunze Welt emma woama woat, un doawäajen woat daut opp soo väl Städen uk emma drieeja.

•    De Menschen sent soo bejierich un doonen Sachen, onen doa sea äwa notodenkjen, woo daut utkjemt. Dee roden Woolt ut, veorreinjen de Loft un brucken de Natua oppe orrajchte Wajch. Un doaderch drieejen biejlikj emma mea Likjen ut.

 Oba de Schreft jeft ons Hopninj.

 De Schreft vesprakjt, daut Gott doano seenen woat, daut daut Wota nich mea knaup sennen woat. Woo?

1.  1. Gott woat dee “[ombrinjen], dee de Ieed vedorwen haben” (Openboarunk 11:18, PB).  Gott woat de beese un bejieeje Menschen oppriemen, waut doa groote Schult aun haben, daut de Ieed Schoden kjricht un daut daut Wota knaup woat (2. Timotäus 3:1-2).

2.  2. “Wua bloos heeta Saunt es, woat daut pudlich woaren” (Jesaja 35:1, 6-7, PB).  Gott woat dän Schoden wada gootmoaken, waut derch daut drieeje Wada kjemt. Un hee woat de Ieed to een Paradies moaken, wua jenuach Wota sennen woat.

3.  3. “Du sorchst fa daut Launt un latst daut räajnen, un moakst daut doaderch sea rikj” (Psalm 65:10, PB).  Derch Gott sienen Säajen woat daut oppe Ieed äwajenuach goodet Äten jäwen un reinet Wota fa aulem.