BLIEFT WIEDA WAKA!
Wanea woat daut een Enj nämen met Kaumf un Kjrich oppe Welt? | Waut de Schreft doaräwa sajcht
Dän 13. Aprell 2024 deed Irak Israel jlikjtoo aunjriepen. António Guterres (de Väaschta von de Veeende Nazionen) säd doatoo: “Nu es de Tiet, de Loag to berujen un opptohieren met sikj unjarenaunda entooajren. Nu es de Tiet, sikj soo sea to kontrollen aus daut jeit.”
Dis Kaumf, waut oosten vom Meddelmäa es, es bloos een Biespel fa daut, waut oppe gaunze Welt passieet.
De Sechaheits-Rotjäwasch von de Veeende Nazionen säden dän 26. Jaunewoa 2023: “No dän Tweeden Weltkjrich haft daut nienich soo väl Kjrich jejäft aus nu. Rom tweedusent Millionen Menschen wonen opp soone Städen, wua Kaumf ooda Kjrich es. Daut es een Vieedel von aule Menschen oppe Welt.”
Nu jroz jeft daut en dise Jäajenden Kaumf ooda Kjrich: Israel, Gaza, Sierien, Aserbaidschan, Ukraine, Sudan, Ätiopien, Niger, Myanmar un Haiti. a
Wanea woat daut kjeenen Kaumf un Kjrich mea jäwen? Kjennen de Väaschte vonne Welt Fräd moaken? Hia es, waut de Schreft doatoo sajcht:
Kjrich oppe gaunze Welt
Daut daut nu soo väl Kaumf un Kjrich oppe Welt jeft, wiest, daut et doamet boolt een Enj haft. Dise Kjrieej worden en de Schreft aul verutjesajcht – krakjt fa onse Tiet. Enne Schreft woat onse Tiet “daut Enj von dise TIET” jenant (Matäus 24:3).
“Jie woaren von Kjrich hieren un von Norechten äwa Kjrich. . . . Eene Sort Menschen woat jäajen de aundre Sort Menschen feiten un een Launt jäajen daut aundre” (Matäus 24:6-7).
Om uttofinjen, woo de Kjrieej vondoag dän Dach krakjt de biblische Profezeiungen erfellen, läs dän Artikjel “Waut es daut Tieekjen von “de latste Doag” ooda daut Enj von de Welt?”.
Een Kjrich woat met aulem Kjrich een Enj moaken
De Schreft sajcht verut, daut de Menschen nich mea Kaumf ooda Kjrich haben woaren. Woo woat daut bat doa komen? Daut woat nich soo romkomen, wiels de Menschen daut bat brinjen woaren oba wäajen “dän aulmajchtjen Gott sien grooten Dach toom Kjrich”, waut de Schreft Harmagedon nant (Openboarunk 16:14, 16, PB). Dis Kjrich woat daut mäajlich moaken, daut Gott sien Vesproaken sikj erfelt un de Menschen eewjen Fräd brinjt (Psalm 37:10-11, 29).
Om mea äwa Gott sienen Kjrich to lieren, waut woat met aulem Kjrich een Enj moaken, läs dän Artikjel “Waut es de Kjrich von Harmagedon?”.
a ACLED Conflict Index, “Ranking violent conflict levels across the world,” January 2024
Veleicht jleichst du uk dit
WICHTJE BIBLISCHE LIEREN
Wuarom lat Gott too, daut daut soo väl Lieden jeft?
Väle wundren, wuarom de Welt soo voll Hauss un Lieden es. De kloare Auntwuat, waut de Schreft doaropp jeft, treest ons.
BLIEFT WIEDA WAKA!
Woat Harmagedon en Israel aunfangen? – Waut de Schreft doaräwa sajcht
Waut daut en Openboarunk äwa Harmagedon sajcht, jeft ons de Auntwuat.
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.
