Em Somma 1946 leet de kanadische Rejierunk junge Jehova siene Zeijen ut veschiedne Oabeitsloaga frie. Dise Loaga wieren en de wille hundat en Kanada vestreit. Meist 300 junge Breeda worden bemott, en dise Loaga schwoa to schaufen, wiels dee wäajen äaren Gloowen nich wullen nom Millitäa gonen. Onse Breeda kunnen aul daut schwoare äwastonen un wieren em jeisteljen jestoakjt, aus dee friekjeemen. Dit Joa sent daut 75 Joa, daut dise true Breeda von de Oabeitsloaga friekjeemen. Brooda Don MacLean, eena von de latste, waut noch läft, denkjt daut noch: “Aules toop kaun ekj sajen, daut dise Erfoarungen en de Joaren em Kjrich mie sea jestoakjt haben. Ekj woa doa emma dankboa aun trigjdenkjen.”