ساڈی زندگی لئی ضروری گلاں
سموئیل دی زندگی توں کجھ سبق
سموئیل اپنی ساری زندگی یہوواہ دا وفادار رہیا۔ جدوں اوہ چھوٹا سی تے عیلی دے پُتر حُفنی تے فینحاس بڑے بھیڑے کم کردے سن پر سموئیل اوہناں ورگا نئیں بنیا۔ (1-سموئیل 2:22-26) سموئیل وقت دے نال نال وڈا ہو گیا تے یہوواہ وی اوہدے نال رہیا۔ (1-سموئیل 3:19) اپنے بڑھاپے تک سموئیل یہوواہ دا وفادار رہیا بھانویں کہ اوہدے پُتراں نے اِنج نئیں کیتا۔—1-سموئیل 8:1-5۔
سموئیل دی زندگی توں اَسی کیہہ سکھنے آں؟ جے تُسی نوجوان او تے یاد رکھو کہ یہوواہ تواڈیاں مشکلاں تے جذباتاں نُوں سمجھدا اے۔ اوہ دلیر بنن چ تواڈی مدد کر سکدا اے۔ (یسعیاہ 41:10، 13) جے تُسی ایہو جہے ماں پیو او جنہاں دی اولاد نے یہوواہ دی خدمت کرنی چھڈ دِتی اے تے یاد رکھو کہ سموئیل وی ایس مشکل چوں لنگھیا سی۔ اوہ اپنے پُتراں نُوں خدا دے معیاراں مطابق چلن لئی مجبور نئیں کر سکدا سی۔ اوہنے ایس معاملے نُوں یہوواہ دے ہتھ چ چھڈ دِتا تے آپ وفاداری نال یہوواہ دی خدمت کردا رہیا۔ ہو سکدا اے کہ تواڈی چنگی مثال نُوں ویکھ کے تواڈی اولاد یہوواہ وَل واپس آ جائے۔
ویڈیو ”اِک مثال، اہم سبق—سموئیل“ چلاؤ تے فیر ایہناں سوالاں دے جواب دَوو:
-
سموئیل جدوں چھوٹا سی تے اوہنے دلیری کیویں وکھائی؟
-
ڈینئل نے دلیری کیویں وکھائی؟
-
سموئیل نے اِک چنگی مثال کیویں قائم کیتی؟
-
یہوواہ اوہناں دا ساتھ دیندا اے جیہڑے صحی کم کرن دی پوری کوشش کردے نیں۔
ڈینئل دے ماں پیو نے اِک چنگی مثال کیویں قائم کیتی؟
