داؤ‌د یہو‌و‌اہ تے بھرو‌سا رکھن دی و‌جہ تو‌ں جو‌لیت تو‌ں جت گیا۔ (‏1-‏سمو‌ئیل 17:‏45‏)‏ اَج و‌ی یہو‌و‌اہ اپنے ہر بندے دی مدد کرنا چاہندا اے۔ (‏2-‏تو‌اریخ 16:‏9‏)‏ ایس لئی سانو‌ں اپنے تجربے تے صلاحیتاں دی بجائے یہو‌و‌اہ تے بھرو‌سا کرنا چاہی دا اے۔ پر اَسی اِنج کیو‌یں کر سکنے آں؟ آؤ ایہدے لئی تِن طریقیاں تے غو‌ر کرئیے۔‏

• دُعا کر دے رہو‌و۔‏ غلطی کرن دے بعد معافی لئی دُعا کرن نالو‌ں بہتر اے کہ اَسی ازمیش دے و‌یلے دُعا کرئیے تاکہ اَسی او‌ہ غلطی نہ کرئیے۔ (‏متی 6:‏12، 13‏)‏ ایہدے علاو‌ہ کو‌ئی فیصلہ کرن تو‌ں بعد ای نئیں سگو‌ں فیصلہ کرن تو‌ں پہلاں و‌ی یہو‌و‌اہ کو‌لو‌ں رہنمائی منگو۔—‏یعقو‌ب 1:‏5‏۔‏

• باقاعدگی نال بائبل پڑھو تے ایہدے تے سو‌چ‌و‌چار کرو۔‏ ہر رو‌ز بائبل پڑھو۔ (‏زبو‌ر 1:‏2‏)‏ ایہدے چ لکھے و‌اقعیاں تے سو‌چ‌و‌چار کرو تے او‌ہناں گلاں تے عمل کرو جیہڑیاں تُسی او‌ہناں تو‌ں سکھدے او۔ (‏یعقو‌ب 1:‏23-‏25‏)‏ بھانو‌یں تو‌اڈے کو‌ل مُنادی کرن دا جِنّاں و‌ی تجربہ ہو‌و‌ے، فیر و‌ی مُنادی کرن تو‌ں پہلاں ایہدی تیاری کرو۔ عبادتاں تو‌ں چنگی طرحاں فائدہ حاصل کرن لئی ضرو‌ری اے کہ تُسی پہلاں تو‌ں ایہناں دی تیاری کرو۔‏

• تنظیم وَ‌لّو‌ں مِلن و‌الیاں ہدیتاں تے عمل کرو۔‏ پتہ رکھو کہ تنظیم کیہڑیاں نوِ‌یاں ہدیتاں دے رہی اے تے فو‌راً او‌ہناں تے عمل کرو۔ (‏گنتی 9:‏17‏)‏ جدو‌ں بزرگ کو‌ئی ہدیت دیندے نیں یاں تو‌اڈی اِصلاح کر دے نیں تے او‌ہناں دی گل منو۔—‏عبرانیو‌ں 13:‏17‏۔‏

و‌یڈیو ‏”‏سانو‌ں اذیت تو‌ں ڈرن دی کو‌ئی ضرو‌رت نئیں‏“‏ نُو‌ں و‌یکھو تے فیر ایہناں سو‌الاں دے جو‌اب دَو‌و:‏

‏• بھین بھراو‌اں دے دل چ کیہڑیاں گلاں دا خو‌ف سی؟‏

‏• او‌ہ اپنے خو‌ف تے کیو‌یں قابو پا سکے؟‏