گیت نمبر 65
اَگے ودھ دے رہوو!
(عبرانیوں 6:1)
-
1. اَگے ودھ دے رہوو، ہمت نہ ہارو
کرو سیوا دل لا کے، تُسی یہوواہ دی
کرو یسوع دی رِیس، بنو محنتی
رکھو سچ دے نال لگن
کرو سارے انساناں نُوں پیار
دیوو تعلیم، نکھارو ایہہ فن
کرو رب تے اعتبار، بنو سمجھدار
برکتاں اوہ دیوے گا
-
2. اَگے ودھ دے رہوو، رل مل کے چلو
ہمت نال ہر پاسے خوشی دا پیغام سُناؤ
اُچے سُر وچ یہوواہ دی ثنا گاؤ
کرو صفتاں اوہدیاں
بھانویں دُشمن ستان، نہ ڈرو
کرو سامنا، پچھے نہ ہٹو
رب دے راج دے نغمے گنگناندے جاؤ
بولو ہر بول سُریلا
-
3. اَگے ودھ دے رہوو، پوری وا لاؤ
ہمیشاں دلاں تے دستک دیندے ای رہوو
ہنرمندی دے نال لوکاں نُوں سکھاؤ
دیوے گا طاقت خدا
کرو سب دے لئی پیار دا اظہار
لگے رہوو، ہاں منو نہ ہار
گاوے سچ دا نغمہ پورا ایہہ سنسار
ہووے روشن رب دا ناں
(فِلپّیوں 1:27؛ 3:16؛ عبرانیوں 10:39 نُوں وی ویکھو۔)
