MOMOUR NIN DUWEN KRISTIAN KEI
Dahme Keieu Kesempwal ong Ie?
Seikop poadoarohng tohnleng men pwehki mehkot me inenen kesempwal—sapwellimen Siohwa kapai. (Sen 32:24-31; Os 12:3, 4) A ia duwen kitail? Kitail pahn doadoahngki atail kehl unsek pwehn peikiong Siohwa oh alehdi sapwellime kapai? Karasepe, ma kitail anahne pilada nanpwungen iang towehda mihting oh doadoahk awa kei daulih awahn doadoahk, mehnia me kitail pahn pilada? Ni atail kin kihong Siohwa uwen atail kak koaros, atail kehl unsek oh dahme kitail ahneki, e pahn ketin kamwerehdiong pohtail “soangen kamwahu kan ni uwe ieu me laud.” (Mal 3:10) E pahn ketin kaweid, pere oh ketin apwalih atail anahn.—Md 6:33; Ipr 13:5.
KILANG KISIN KASDO STAY FOCUSED ON SPIRITUAL GOALS, OH MWURI SAPENGALA PEIDEK PWUKAT:
-
Ia duwen sistero eh ale kasongosong pwehki mehkot me e perenki?
-
Ia duwen atail doadoahk eh kak wiahla mehn kasongosong ehu?
-
Dahme kahrehda Timoty anahne pousehlahte wiahda mehn akadei kan, pil ni ahnsou me e wiahla Kristian koahiek men?—1Ti 4:16
-
Dahme keieu kesempwal nan omw mour?
Ia duwen atail kin kasalehda mehnia doadoahk me keieu kesempwal ong kitail?
