KAMWAHWIHALA OMW KOAHIEK NAN KALOHK | KALAUDEHLA OMW PEREN NAN KALOHK
Karasahda Ire Kesempwal kan
Kitail anahne sewese me rongorong kan ren wehwehki ire kesempwal kan, ni atail kin pwurehng pwurala de wia onop en Paipel kan. Kitail kak kamwakid ar mohngiong oh kahrehiong ren mengeiki tamataman atail padahko sang ni atail kin karasahda ire kesempwal kan.
Ni omw kaukaunop en pwurehng pwurala de wia onop en Paipel ehu, pilada ire kesempwal ehu me ke men karasahda a kaidehn ire pisetik kan. Kowe eri pilada karasaras mengei kan me kin pid mour en ehuehu rahn. (Md 5:14-16; Mr 2:21; Lu 14:7-11) Tamataman en pil medewe duwen mwomwen mour de wiewiahn me rongorongo. (Lu 5:2-11; Soh 4:7-15) Ni omw kilang eh perenda pwehki eh wehwehkihda ire kesempwal ehu, ke pil pahn perenda.
KILANG KISIN KASDO EXPERIENCE THE JOY OF DISCIPLE-MAKING—IMPROVE YOUR SKILLS—ILLUSTRATING KEY POINTS, OH MWURI SAPENGALA PEIDEK PWUKAT:
-
Ele dahme kahrehda tohnsukuhl en Paipel kan anahne sawas pwehn wehwehki iren Paipel kan?
-
Ia duwen Neeta eh karasahda padahk mehlel me mi nan Rom 5:12?
-
Karasaras mwahu kan kin sair mohngiong
Ia duwen karasaras mwahu kan eh kak kamwakid me rongorong kan?
-
Nan atail doadoahk kalohk, dahme kahrehda kitail en doadoahngki kisin kasdo kan oh mehn kasukuhl teikan me sapwellimen Siohwa pwihn wiahda?
