KAHN IROIR (ONG ONOP) March 2017
Kahn Iroir wet audaudki iren onop kan ong May 1-28, 2017.
KOASOIPEN ARAIL MOUR
I Paiekihda Ei Idawehn me Loalokong kan
Erein sounpar tohto me e kin doadoahngki pali laud en eh ahnsou ong papah Koht, William Samuelson wia soangen pwukoa kan me apwal oh pil kaperen.
Wauneki Irail kan me Warohng
Ihs me warohng ale wahu, oh dahme kahrehda? Ia duwen omw pahn paiekihda omw waunekin irail?
Kasalehda Pwoson—Wiahda Pilipil me Loalokong!
Ekei pilipil kan me ke wiahda pahn kamwakid omw mour. Dahme kak seweseiuk en wiahda pilipil me loalokong?
Papah Siohwa ni Mohngiong Unsek!
Nanmwarki kan en Suda Asa, Seosopat, Esekaia, oh Sosaia koaros wiahda sapwung kan. Ahpw Koht ketin kilangwohng irail nin duwen aramas kei me kin papah ih ni mohngiong unsek. Dahme kahrehda?
Ke Pahn Kapwaiada ni Mohngiong Unsek Dahme Ntingdier?
Ke kak sukuhlki sang sapwung en meteikan, iangahki sapwung en irail kan nan Paipel.
Wia Kompoakepah Men ni Ahnsou me Nanpwungmwahu Kin Mihla nan Keper
Ele pahn mie ahnsou ehu me kompoakepahmw men uhdahn anahne kehlailda. Ia duwen omw kak sewese?
Ahd Ehu nan Paipel me Dierek Pohn Sah Ehu me Wiawihda Mahso
Diper en sah ehu me sounpar 3,000 dierek nan pahr 2012 kamwakidada sounroporop kan. Dahme kahrehda dipwisou wet uhdahn kesempwal?
