Peidek kan en Paipel Pasapengla
Ia mwaren Koht?
Tohn atail peneinei koaros mie adarail. Neitail kidi oh kaht kan pil mie adarail. Ia duwe, e sou pahn pil konehng en mie mwaren Koht? Nan Paipel, Koht ketin sapwellimanki lengileng tohto me duwehte, Koht Wasa Lapalahpie, Kaun Wasa Lapalap, oh Sounkapikpatail, ahpw mie pil pein mware.—Wadek Aiseia 42:8. *
Kawehwehn Paipel tohto doadoahngki mwaren Koht nan Melkahka 83:18. Karasepe, nan Paipel me adaneki New World Translation of the Holy Scriptures, lokaiahn wai, iretikitiko koasoia: “Komwi, me mwarenki Siohwa, komwi kelehpw me Keieu Lapalap pohn sampah koaros.”
Dahme kahrehda kitail anahne doadoahngki mwaren Koht?
Koht ketin kupwurki kitail en doadoahngki mwareo. Ni atail kin koasoiong irail kan me kitail poakohng me duwehte kompoakepatail keren kan, kitail kin doadoahngki adarail kan, ahpw mehlel ma re mwahuki kitail en wia met. Ia duwe, met sou pahn pil duwehte atail kin patohong Koht? Patehng met, Sises Krais ketin kangoange kitail en doadoahngki mwaren Koht.—Wadek Madiu 6:9.
Ahpw, pwehn wia kompoakepahn Koht, kitail anahne ese laud duwen ih laudsang en esehte mwareo. Karasepe, soangen Koht dah men ih? Ia duwe, kitail kak karanihala Koht? Ke kak diar pasapengpen peidek pwukat nan Paipel.
^ Kawehwehpen Lepin Mahsen kan nan Pwuhk Sarawi ni Mahsen en Pohnpei koasoia: “KAUN-O—Nan kawehwe wet lepin mahsen lepet wiliandi Iahweh, mwaren [Koht] ni mahsen en Ipru.”
You May Also Like
ESSENTIAL BIBLE TEACHINGS
Mie Mwaren Koht?
Mie lengileng tohto ong Koht, me duwehte Wasa Lapalahpie, Sounkapikada, oh Kaun. Ahpw pein mwaren Koht kadoadoahk nan Paipel daulih pak 7,000.
