Ni Koht eh ketin kapikada aramas, e ketin kupwurki irail en mour kohkohlahte nin sampah oh sohte lokolongki soumwahu de mehla. Ahpw tepin aramas, Adam, sapeikiong Sounkapikadao oh luhs sang eh koapworopwor en mour kohkohlahte. Nin duwen kadaudok en Adam kei, kitail sohsohki mehla sang ih. (Rom 5:8, 12; 6:23) Koht mehlelo, Siohwa, ketin poaronedohng sampah sapwellime Ohl Sises pwehn pwoula oh kapwurehdo dahme Adam kasalongehlahr.​—Wadek Sohn 3:16.

Pwoulahn Sises kahrehda kitail kak ale mahkpen dipatail kan oh ahneki mour soh imwi. Paipel kasalehiong kitail ia pahn mwomwen mour nin sampah ahnsou me kitail sohla pahn mahla, soumwahu, oh mehla.​—Wadek Aiseia 25:8; 33:24; Kaudiahl 21:4, 5.

Ni soutiko mwohn eh pwoula, Sises ketin padahkihong sapwellime tohnpadahk ko ren tamataman eh pwoula ni arail pahn wia kasarawih ehu me sohte laud. En wia katamanpen pwoulahn Sises sounpar koaros kin kahrehiongkitail en medemedewe ia uwen laud en sapwellimen Siohwa oh Sises ara limpoak ong tohnsampah.​—Wadek Luk 22:19, 20; 1 Sohn 4:9, 10.

Nan pahr wet, katamanpen pwoulahnSises pahn wiawi Ni Ehd, April 14, mwurin kihrlahn ketipin. Se lukei komwi en iang Sounkadehdehn Siohwa kan wia kataman wet.​—Wadek Rom 1:11, 12.