Audepen Pali 2
Dahme kahrehda Siohwa ketikihdo nohlik ehu me kauwehla sampah ni ahnsowo? Ni tepin poadopoad en aramas, uhpene ehu tepida wiawi, uhpene nanpwungen mwahu oh suwed. Ekei me duwehte Adam, Ihp, oh neira pwutak Kain, pilada pali me suwedo. Me malaulaukeite me duwehte Eipel oh Noha, pilada pali me mwahwo. Pali laud en aramas uhdahn suwedla me kahrehda Siohwa ketin kaimwisekala sampah suwedo. Pali wet pahn sewese kitail en sukuhlki me Siohwa kin mwahngih mehnia pali me kitail kin pilada oh me e sohte douluhl pahn ketin mweidohng me suwed en powehdi me mwahu.
IN THIS SECTION
IREN MEHN KASUKUHL 3
Adam oh Ihp Sapeikiong Koht
Ia duwen ehu tuhke nan mwetuwel en Ihden eh weksang tuhke teikan? Dahme kahrehda Ihp kang wahntuhke wet?
IREN MEHN KASUKUHL 4
Lingeringer Imwikihla Kamaramas
Koht kupwurperenkihda en Eipel meirongo a kaidehn en Kaino. Ni ahnsou me Kain esehda met, e uhdahn lingeringerda oh wia mehkot me inenen suwed.
IREN MEHN KASUKUHL 5
Warihmw me Noha Wiahda
Ni ahnsou me tohnleng suwed kan pwoudikihda lih akan en sampah wet, irail nainekihda pwutak kodon kan me tiahk suwed. Tiahk lemei kin wiawi wasa koaros. Ahpw Noha weksang irail—e poakohng oh peikiong Koht.
IREN MEHN KASUKUHL 6
Meh Welimen Pitla
Nohliko kahrehda keteu rahn 40 oh pwohng 40. Noha oh eh peneinei mihmihki nan warihmwo daulih sounpar ehu. Mwurin mwo irail kakehr pedoila liki.
