IREN MEHN KASUKUHL 04
Ihs Koht?
Sangete mahs aramas akan kin kaudokiong koht ohl oh koht lih tohto. Ahpw Paipel mahsanih duwen Koht emen me “lapalapasang koht teikan koaros.” (2 Kronikel 2:5) Ihs mwo? Oh dahme kahrehda e lapalapasang koht teikan koaros me aramas kin kaudokiong? Nan iren mehn kasukuhl wet, kitail pahn sukuhlki dahme Koht ketin kupwurki ken esehla duwen ih.
1. Ia mwaren Koht, oh dahme kin kasalehda me e ketin kupwurki kitail en esehla mwareo?
Koht ketin kasalehiong kitail duwen ih nan Paipel. E mahsanih: “Ngehi me Siohwa. Ih mwarei en met.” (Aiseia 42:5, 8, NW) “Siohwa” iei kawehwehn mwar ehu sang ni lokaiahn Ipru me kin wehwehki “E Ketin Kahrehiong en Wiahla.” Siohwa ketin kupwurki kitail en esehla mwareo. (Eksodus 3:15) Ia duwen atail kak kamehlele met? Mwareo pwarada nan Paipel daulih pak 7,000! a “Koht en nanleng oh pil sampah” me mwarenki Siohwa.—Deuderonomi 4:39.
2. Dahme Paipel kin padahkihong kitail duwen Siohwa?
Paipel mahsanih me Siohwa kelehpw me Koht mehlel nanpwungen koht akan koaros me aramas kin kaudokiong. Dahme kahrehda? Mie soangen kahrepe kei. Siohwa ketin sapwellimanki manaman lapalap en kaunda, oh ih kelehpw me “kaun lapalap en mehkoaros nin sampah.” (Wadek Melkahka 83:18.) Ih me “Keieu Manaman,” me wehwehki e sapwellimanki manaman en wia sohte lipilipil dahme e ketin kupwurki. E ketin “kapikada mehkoaros”—lahng oh mour koaros nin sampah. (Kaudiahl 4:8, 11) Weksang meteikan, Siohwa ketin ieias ahnsou koaros oh e pahn ketin ieias kohkohlahte.—Melkahka 90:2.
KALAUDEHLA OMW ESE MET
Tehk wekpeseng en sapwellimen Koht lengileng kan oh mwareo. Kitail pil pahn sukuhlki ia duwen oh dahme kahrehda e ketin kasalehiong uhk mwareo.
3. Koht sapwellimanki lengileng tohto ahpw mware ehute
Pwehn kilang wekpeseng en aramas daidel oh ede, kilang KISIN KASDO, oh mwuri koasoiapene peidek wet.
-
Ia wekpeseng en daidel me duwehte “Kaun,” oh ahd ehu?
Paipel mahsanih me aramas kin kaudokiong koht oh kaun tohto. Wadek Melkahka 136:1-3, oh mwuri koasoiapene peidek wet:
-
Ihs “Koht me keieu lapalapasang koht akan koaros” oh “kaun me keieu roson sang kaun akan koaros”?
4. Siohwa ketin kupwurki ken ese oh doadoahngki mwareo
Dahme kin kasalehda me Siohwa ketin kupwurki ken ese mwareo? Kilang KISIN KASDO, oh mwuri koasoiapene peidek wet.
-
Ke medewe Siohwa ketin kupwurki aramas en esehla mwareo? Dahme kahrehda?
Siohwa ketin kupwurki aramas akan en doadoahngki mwareo. Wadek Rom 10:13, oh mwuri koasoiapene peidek pwukat:
-
Dahme kahrehda e kesempwal en doadoahngki mwaren Koht, Siohwa?
-
Ia omw pepehm ni emen eh kin tamataman edomw oh ekerkin uhk edomwen?
-
Ia sapwellimen Siohwa pepehm ni omw kin doadoahngki mwareo oh patohong ih?
5. Siohwa ketin kupwurki ken karanihala ih
Lih emen me adaneki Soten sang Cambodia nda me e uhdahn perenkihda ni eh esehda mwaren Koht. Kilang KISIN KASDO, oh mwuri koasoiapene peidek wet.
-
Ia duwen Soten eh mwekidki ni eh esehla mwaren Koht?
Mwohn omw kin kompoakepahnkihla emen, ke kin esehla mahs edeo. Wadek Seims 4:8a, oh mwuri koasoiapene peidek pwukat:
-
Dahme Siohwa ketin lukeiuk ken wia?
-
Ia duwen omw esehla oh doadoahngki mwaren Koht eh pahn seweseiuk en karanihala ih?
EKEI ARAMAS KIN NDA: “Koht emente mie, kahrehda ke kak ekerki Koht lengileng sohte lipilipil.”
-
Ke kamehlele me Siohwa iei mwaren Koht?
-
Ia duwen omw pahn kawehwehda me Koht ketin kupwurki kitail en doadoahngki mwareo?
DAHME KE SUKUHLKIER
Mwaren Koht mehlelo iei Siohwa. E ketin kupwurki kitail en esehla oh doadoahngki mwareo pwe kitail en kak karanihala ih.
Kousapahl
-
Ia duwen Siohwa eh ketin weksang koht teikan koaros me aramas kin kaudokiong?
-
Dahme kahrehda kitail anahne doadoahngki mwaren Koht?
-
Dahme kin kasalehda me Siohwa ketin kupwurki ken karanihala ih?
PIL TEHK
Tehk kahrepe limau me kitail kak kamehlelehki me Koht ketin ieias.
Dahme kahrehda e pwung kitail en kamehlele me Koht ketin ieias ahnsou koaros?
Esehla kahrepen atail anahne doadoahngki mwaren Koht, mehnda ma kitail sehse ia mwomwen aramas ar kin nda mwareo mahsie.
E kesempwal dahme kitail kin ekerki Koht? Kilang dahme kitail kak ndahki me e sapwellimanki mwar ehute.
a Pwehn kalaudehla omw wehwehki mwaren Koht oh dahme kahrehda ekei kawehwehn Paipel kihsang mwareo, kilang pali 1-5 nan kisin pwuhk Sawas ong Onopki Mahsen en Koht.
