IREN MEHN KASUKUHL 55
Sewese Omw Mwomwohdiso
Nan sampah pwon, aramas rar kan kin perenki papah Siohwa nan mwomwohdiso kid kei. Re kin kalahnganki kaweid kan me re alehdi, oh kin ngoangki sewese mwomwohdiso ni ahl tohto. Ih soangen pepehm wet me ke ahneki ong omw mwomwohdiso?
1. Ia duwen omw kak doadoahngki omw ahnsou oh kehl pwehn sewese mwomwohdiso?
Kitail koaros kak sawas nan mwomwohdiso. Karasepe, mie ekei me mah de luwet nan omw mwomwohdiso? Ke kak sawas wairailla ni mihting kan? De ke kak sewesehkin irail soahng kan me duwehte, alehda kanarail mwenge de soahng kan me re anahne de kamwakele imwarail kan? (Wadek Seims 1:27.) Kitail pil kak sewese kamwakele oh apwalih atail Wasahn Kaudok. Atail poakohng Koht oh riatail Kristian kan me kin kamwakid kitail en nda: “Iet ngehi, Maing, komwi ketin poaroneiehla.”—Aiseia 6:8.
Sounkadehde kan me papidaislahr kak sewese mwomwohdiso ni ahl teikan. Brother kan me koahieklahr kak sewese mwomwohdiso nin duwen sounsawas oh pil elder. Brother oh sister kan kak sewese doadoahk en kalohk sang ni ar wiahla pioneer. Ekei Sounkadehde kan kak sewese kauwada wasahn kaudok kan de keseula nan mwomwohdiso me anahne sawas ong soahng teikan.
2. Ia duwen atail kak doadoahngki neitail mwohni oh atail kepwe pwehn sewese mwomwohdiso?
Kitail kak “wauneki Siohwa ni [atail] patohwanohng ih [atail] soahng kesempwal kan.” (Lepin Padahk 3:9, NW) Kitail kin perenki sawaskihda mwohni oh kepwe teikan pwehn sewese mwomwohdiso oh doadoahk en kalohk me kin wiawi nan sampah pwon. (Wadek 2 Korint 9:7.) Atail sawas en mwohni kan pil kin sewese riatail kan me lelohng kahpwal laud kan. Me tohto kin koasoanehdi ren kin kaukaule “katohrehla mehkot” pwe ren sawaskihda. (Wadek 1 Korint 16:2.) Kitail kak kihdi sawas en mwohni nan koakon kan nan atail wasahn kaudok de nan online, nan donate.dan124.com. Kitail kak kasalehda atail poakohng Siohwa sang ni atail doadoahngki neitail mwohni oh atail kepwe pwehn sewese mwomwohdiso.
KALAUDEHLA OMW ESE MET
Kilang ekei soahng kan me ke kak wia pwehn sewese mwomwohdiso.
3. Kitail kak kihda dahme kitail ahneki
Siohwa oh Sises ketin poakohng aramas me kin perenki kihwei. Karasepe, Sises ketin kapingahki liohdi semwehmwe men me nantihong kihda eh sawas. Wadek Luk 21:1-4, oh mwuri koasoiapene peidek pwukat:
-
Kitail anahne sawaskihda mwohni laud pwehn kaperenda kupwuren Siohwa?
-
Ia sapwellimen Siohwa oh Sises pepehm ni atail kin perenki kihda sawas?
Pwe ken ese dahme atail sawas en mwohni kin kadoadoahk ong, kilang KISIN KASDO. Mwuri koasoiapene peidek wet.
-
Ia duwen atail sawas en mwohni eh kin kadoadoahk ong mwomwohdiso kan nan sampah pwon?
4. Kitail kak iang sawas
Mahso, tohnkaudok en Siohwa kan kin ngoangki apwalih arail wasahn kaudok kan. Ahpw irail sohte kin kihdahte sawas en mwohni. Wadek 2 Kronikel 34:9-11, oh mwuri koasoiapene peidek wet:
-
Dahme mehn Israel koaros kin wia pwehn apwalih tehnpesen Siohwa, de wasahn kaudok?
Pwehn kilang ia duwen Sounkadehdehn Siohwa kan ar kin idawehn mehn kahlemeng en mahso, kilang KISIN KASDO. Mwuri koasoiapene peidek pwukat.
-
Dahme kahrehda e kesempwal atail Wasahn Kaudok en kin mwakelekel oh mwamwahute?
-
Dahme ke kak wia pwehn sawas?
5. Brother kan kak nantihong ale pwukoa laud kan
Paipel kin kangoangehki ohl Kristian kan ren nantihong ale pwukoa kan pwe ren sewese mwomwohdiso. Pwehn kilang ehu karasepe, kilang KISIN KASDO. Mwuri sapengala peidek wet.
-
Dahme Ryan wia pwehn kalaudehla eh sewese mwomwohdiso?
Paipel kawehwehda dahme brother kan anahne wia pwe ren kak warohng wiahla sounsawas oh elder. Wadek 1 Timoty 3:1-13, oh mwuri koasoiapene peidek pwukat:
-
Dahme brother kan me kin nantihong wiahla sounsawas oh elder anahne wia?
-
Dahme arail peneinei anahne wia? —Kilang iretikitik 4 oh 11.
-
Ni brother kan ar kin nantihong koahiekla ni soahng pwukat, ia duwen met eh kin wia kamwahupen koaros nan mwomwohdiso?
MA EMEN IDEK: “Ia wasa Sounkadehdehn Siohwa kan kin ale mwohni pwehn utung arail doadoahk?”
-
Ia duwen omw pahn sapeng?
DAHME KE SUKUHLKIER
Siohwa uhdahn ketin kupwurperenki ni atail kin nantihong sewesehki mwomwohdiso atail ahnsou, kehl, kepwe oh neitail mwohni.
Kousapahl
-
Ia duwen atail kak doadoahngki atail ahnsou oh kehl pwehn sewese mwomwohdiso?
-
Ia duwen atail kak doadoahngki neitail mwohni oh atail kepwe pwehn sewese mwomwohdiso?
-
Dahme ke men wia pwehn sewese mwomwohdiso?
PIL TEHK
Kilang dahme kahrehda Koht sohla ketin koasoanehdi sapwellime tohnkaudok kan ren kin kihda eisek kis ehu.
Paipel kin kasalehda ekei pwukoa kan ong ohl me papidaislahr kan. Ahpw ia duwen ma lih papidaislahr men anahne wia pwukoa pwukat?
“Wehwehki Koasoandi en Tapwi nan Mwomwohdiso” (Kahn Iroir, February 2021)
Kilang ekei Sounkadehde eimah kan me kin wiahda tounmetei laud pwe ren wahla pwuhk rehn iangarail tohnkaudok kan.
Kilang ia duwen atail kin alehdi sawas en mwohni eh weksang douluhl en pelien lamalam teikan ar kin alehdi mwohni.
“How Is the Work of Jehovah’s Witnesses Financed?” (Web article)
