Koperment kan doadoahngki tala trillion 2.24 ong neirail sounpei kan nan pahr 2022, mwohni me keieu laud sangete mahso. Met wiawi pwehki Russia eh mahweniong Ukraine. Iet me Stockholm International Peace Research Institute (SIPRI) ripohtki nan April 2023, erein pahr 2022:

•    Mwohni me koperment en Europe kan doadoahngkihong tehtehn mahwen kan “kohda lel persent 13 nan erein sounpar ehu, met me keieu laud sangete pahr 1991 kohdo.”

•    “Mwohni me Russia doadoahngkihong tehtehn mahwen kan kohda lel persent 9.2, me kahrehda irail kohsang kelimau oh kodahng kesiluh en wehi me kin doadoahngki mwohni laud nan sampah pwon.”

•    United States me keieu doadoahngki mwohni laud ong neirail sounpei kan, pwehki re kin doadoahngki persent 39 en mwohni ong sounpei kan nan sampah pwon.”

 Dr. Nan Tian, me iang ntingihdi ripoht en SIPRI, koasoia: “Lalaudlahn mwohni me wehi kan kin doadoahngkihong sounpei kan nan erein sounpar akan kasalehda me sampah wet wie kepekeperla.”

 Paipel kohpada me koperment keieu kehlail kan pahn kin uhpene, oh e pil padahkihong kitail dahme kak wahdo popohl mehlel.

•    Paipel kin kahdaneki ahnsou wet me kitail momour ie, “imwilahn ahnsou.”—Daniel 8:19.

•    Pwuhken Daniel kohpada me erein ahnsowo, wehi kehlail kan pahn kin uhpene. Wehi kehlail pwukat pahn kin siaipene pwe ren wiahla wehi me keieu kehlail. Pwehki met, re pahn doadoahngkihla “dipwisou kesempwal kan,” de mwohni laud.—Daniel 11:40, 42, 43.

 Pwehn kalaudehla omw ese duwen kokohp en Paipel wet, menlau kilang kisin kasdo Fulfilled Prophecy—Daniel Chapter 11.

•    Paipel mahsanih me Koht pahn ketin wilianda koperment en aramas akan. E “pahn ketin kauwada mwehi ehu me sohte imwi. Mwehi wet sohte pahn kak lohdi, ahpw e pahn kauwehla mwehi teikan koaros, oh pahn mihmi kohkohlahte.”—Daniel 2:44.

•    Ni ahnsou keren Siohwa a Koht pahn ketin wiahda dahme aramas akan sohte kak wiahda, me iei ketikihdo popohl mehlel oh poatopoat. Ia duwen? Sapwellime Wehi nanleng pahn kamwomwala tehtehn mahwen koaros oh katokehdi soangen lemei koaros.—Melkahka 46:8, 9.

 Pwehn kalaudehla omw ese dahme Wehin Koht pahn wiahda, menlau wadek oaralap “Under God’s Kingdom ‘Peace Will Abound.’”