Jesuspa Wañuyninta Yuyarinapaj tantakuy
Sábado 12 de abril de 2025
Jehovaj testigosnenqa sapa wata Jesuspa wañuyninta yuyarikuyku. Chaytataj Jesús kamachisqanman jina ruwayku. Pay nerqa: “Kayta ruwallaychejpuni noqamanta yuyarikuspa”, nispa (Lucas 22:19).
Kay tantakuyman jamuriy.
Runasqa kay imasta tapukunku
¿Mashkha horasta kanqa?
Uj horata jinalla.
¿Maypitaj ruwakonqa?
Chayta yachanaykipajqa tiyakunki chay lugarmanta uj Jehovaj testigonwan parlariy.
Chay tantakuyman yaykunapaj, ¿paganachu tiyan?
Mana.
Chay tantakuypi, ¿qolqeta qonachu tiyan?
Mana.
¿Imayna vistisqataj rina tiyan?
Mana mosoj ropayojpunichu rina tiyan. Jehovaj testigosnenqa Biblia nisqanman jina wajkunata jatunpaj qhawaspa, allin yuyaywantaj vistikuyku (1 Timoteo 2:9). Mana valesqa ropawanpunichu rina tiyan, nitaj oficinapi trabajanapaj jina ropayojpunichu rina tiyan.
¿Imastá Jesuspa Wañuyninta Yuyarinapaj tantakuypi ruwakun?
Kay tantakoyqa uj takiywan qallarenqa, chantá uj hermano oracionta ruwanqa. Chaymantataj uj hermano Bibliawan sutʼincharenqa imaraykuchus Jesús wañusqanta, imaynatachus Jehová Dios Jesusnejta sapa ujta yanapawasqanchejta ima. Tukuchanapajtaj watejmanta takikonqa, uj oracionta ima ruwakonqa.
Astawan yachanaykipajqa, “¿Jehovaj testigosnin waj iglesias jinachu Señorpa Cenanta ruwanku?” nisqa yachaqanata leeriy.
Qhepan wataspi, ¿ima fechaspitaj Jesuspa Wañuyninta Yuyarinapaj tantakuy ruwakonqa?
2025: Sábado 12 de abril
2026: Jueves 2 de abril
Kaykunatapis qhawaykurillawajtaj
JESUSPA WAÑUYNINTA YUYARINAPAJ TANTAKUY
Jesuspa wañuyninta yuyarina
Jesús kamachisqanman jina, wañuyninta yuyarikunapaj wajyariyku. Chaypitaj yachakunki imaynatachus Jesuspa kausaynin, wañuynin ima yanapawasqanchejta.
BIBLIAMANTA SUMAJ YACHACHIYKUNA
¿Imapajtaj Jesús wañorqa?
Ichapis yachankiña Jesús juchasninchejrayku wañusqanta. Jinapis, ¿imaynatá uj runaj wañuynillan may chhika runasta yanapanman?