2 Reyes 24:1-20
24 Jehoiaquim kamachishajtintaj Babiloniaj reynin Nabucodonosor+ paywan maqanakoj jamorqa. Jehoiaquimtaj Nabucodonosorpa kamachin karqa kinsa watasta. Jinapis rey Nabucodonosorpa contranta oqharikorqa.
2 Chantá Jehová Diosqa Jehoiaquimpa contranpi suwa runasta kachamorqa tropa tropasta, chay tropasqa karqanku caldeos,+ sirios, moabitas, ammonitas ima. Chay runasta kachamorqa Judá nacionta chinkachinanpaj Jehová Dios parlasqanman jina,+ profetasninwan willachisqanman jina.
3 Chay imasqa Judá nacionta qhatirerqa Jehová Dios kamachisqanrayku. Payqa manañapuni Judá nacionta rikuyta munarqachu+ Manasespa tukuy juchasninrayku,+
4 mana juchayoj runastapis wañuchisqanrayku.+ Manasesqa ashkha mana juchayoj runaspa yawarninkuta jichʼaspa Jerusalenman juntʼacherqa. Chayrayku Jehová Diosqa Judá nacionta mana perdonayta munarqachu.+
5 Jehoiaquimpa tukuy kausayninmanta, tukuy ima ruwasqanmantapis qhelqasqa kashan Judajpa reyesninmanta parlaj libropi.+
6 Chantá Jehoiaquimqa ñaupa tatasnin jina wañuporqa.+ Wawan Joaquintaj paypa cuentanmanta rey jina kamachiyta qallarerqa.
7 Egiptomanta reyqa manaña ujtawan nacionninmanta llojsimorqachu, Babiloniamanta rey tukuy jallpʼasninta qhechusqanrayku:+ Egipto mayumantapacha*+ Éufrates mayukama.+
8 Joaquinqa+ 18 watasniyoj karqa rey jina kamachiyta qallarishajtin, Jerusalenpitaj kinsa killata kamacherqa.+ Mamanqa Nehustá sutikorqa, Jerusalenmanta Elnatanpa wawan karqa.
9 Joaquinqa tatan jinallataj Jehová Diospa qhawayninpi sajra imasta ruwallarqapuni.
10 Chaypachastaj Babiloniamanta rey Nabucodonosorpa kamachisnenqa Jerusalenta japʼikapunankupaj wicharimorqanku, Jerusalén llajtatataj muyuykorqanku.+
11 Kamachisnin llajta muyurisqa kashajtinkutaj Babiloniamanta rey Nabucodonosorqa Jerusalén llajtaman chayamorqa.
12 Judamanta rey Joaquintaj llajtamanta llojsimuspa Babiloniaj reyninman jaywaykukorqa+ mamantin, kamachisnintin, kuraj kamachisnintin, kamachina wasinmanta autoridadesnintin.+ Babiloniamanta reyqa pusaj watastaña kamachishaspa Joaquinta presota apakaporqa.+
13 Babiloniamanta reyqa Jehová Diospa wasinmanta, reypa wasinmantawan* tukuy valorniyoj imasta apakaporqa.+ Chantapis tukuy qori imasta tʼunata ruwarqa, chay imastaqa Israelpa reynin Salomón ruwacherqa Jehová Diospa templonpaj.+ Chay imas pasarqa Jehová Dios ñaupajmantaña nisqanman jina.
14 Babiloniamanta reyqa Jerusalenmanta tukuy runasta presosta apakaporqa, tukuy kuraj kamachista,+ tukuynin wapu soldadosta, tukuynin sumaj trabajadoresta, herrerostapis,*+ 10 mil runastapuni presosta apakaporqa. Manapuni ujllatapis saqerqachu, nacionmanta aswan pobre runasllata saqerqa.+
15 Ajinata rey Nabucodonosorqa rey Joaquinta Babiloniaman apakaporqa.+ Apakapullarqataj reypa mamanta, reypa warmisninta, reypa kamachina wasinmanta autoridadesta, nacionmanta tukuy sumajpaj qhawasqa runastapis. Paykunataqa Jerusalenmanta Babiloniaman presosta apakaporqa.
16 Babiloniamanta reyqa Babiloniaman presosta apakapullarqataj tukuynin soldadosta, 7 mil soldadostapuni, apakapullarqataj mil sumaj trabajadoresta, herrerostawan.* Chay tukuynin runasqa wapu runas karqanku, guerrapi tinkunankupaj amañasqas.
17 Babiloniamanta reyqa Joaquinpa cuentanmanta Mataniasta rey kananpaj churarqa, sutintataj Sedequiasman cambiarqa.+ Mataniasqa Joaquinpa tion karqa.+
18 Sedequiasqa kamachiyta qallarishajtin 21 watasniyoj karqa, Jerusalenpitaj 11 watasta kamacherqa. Mamanqa Hamutal sutikorqa,+ Libnamanta Jeremiaspa wawan karqa.
19 Sedequiasqa Jehoiaquim jinallataj Jehová Diospa qhawayninpi sajra imasta ruwallarqapuni.+
20 Jerusalenpi, Judapipis chay imas pasarqa Jehová Dios phiñasqa kasqanrayku. Diosqa sinchʼitapuni phiñakuspa paykunata ñaupaqenmanta chinkarparicherqa.+ Sedequiastaj Babiloniaj reyninpa contranta oqharikorqa.+
Sutʼinchaykunasnin
^ Chayri “Egipto wayqʼomantapacha”.
^ Chayri “kamachina wasinmantawan”.
^ Ichá nillanmantaj “sumaj perqasta ruwajkunatapis”.
^ Ichá nillanmantaj “sumaj perqasta ruwajkunatawan”.
