Oseas 5:1-15
-
Efrainpajwan Judapajwan juicio (1-15)
5 “Sacerdotes, kayta uyariychej.+
Qanpis Israel nación, allinta uyariy.
Reypa wasinmanta kajkuna, uyariychej.
Kay juicioqa qankunapaj.
Imaraykuchus qankunaqa Mizpapaj uj trampa kankichej,Tabor orqo+ patapi mastʼasqa chʼipataj.
2 Contrayta oqharikojkunaqa* wañuchiyman yachaykukunku.
Tukuy paykunamantaj allinta qhawarikunankuta nishani.*
3 Noqaqa Efrainta allinta rejsini.
Israelqa mana noqamanta pakasqachu kashan.
Efraín, qanqa khuchichakuy juchaman qokorqanki,*Israelqa chʼichichakorqa.+
4 Paykunaqa chay jinata kausasqankurayku mana Diosninkuman kutiriyta atinkuchu.
Paykunaqa qhenchachakuy* yuyaylla kashanku.+
Chayrayku mana reparayta munankuchu noqa Jehová Diosninku kasqayta.
5 Israelpa uma oqharisqallantaj paypa contranpi testigo jina sayan.+
Israelpis Efrainpis juchankurayku urmanku,*Judapis paykunawan khuska urmallantaj.+
6 Paykunaqa ovejasninkuwan wakasninkuwan Jehová Diosta maskʼamorqanku,manataj tariyta aterqankuchu.
Diosqa paykunamanta karunchakusqa.+
7 Paykunaqa Jehová Diosta wasancharqanku,+waj llajtayoj warmispi wawasniyoj kaspa.*
Chayrayku paykunaqa tukuy kapuyninkuwan khuska* uj killallapi tukuchisqa kanqanku.
8 Guibeapi putututa waqachiychej,+ Ramapi cornetata waqachiychej.+
Bet-Avenpi+ sinchʼita qhapariychej maqanakuman yaykunaykichejpaj. Qantaj Benjamín, soldadosta maqanakuman pusay.
9 Efraín, castigo pʼunchaypi qanqa mancharinaman tukunki.+
Imachus kanantapuni Israel ayllusman* willani.
10 Judamanta kuraj kamachejkunaqa lindesmanta* mojonesta kuyuchejkunaman rijchʼakunku.+
Paykunamanqa sinchʼi phiñakuyniyta kachaykamusaj, yakutapis jichʼaykamushayman jina.
11 Efrainqa ñakʼarishan, payqa chinkachisqa kanallanta chinkachisqa kashan.
Imaraykuchus payqa enemigonwan ujchaykukuytapuni munarqa.+
12 Chayrayku noqaqa thuta jina Efrainpaj karqani.
Judatataj kʼulluta jina mullphayacherqani.*
13 Maypachachus Efrainqa onqoyninta rikukorqa, Judataj sarnanta rikukorqa chaypacha,Efrainqa Asiriaman rerqa,+ runastataj kacharqa uj sumaj reyman.
Chay reytajrí mana qankunata sanoyachiyta atisorqachejchu.
Payqa mana chay sarnaykichejta sanoyachiyta aterqachu.
14 Noqaqa maltón león jina Efrainpaj kasaj.
Noqaqa kallpayoj león jina Judapaj kasaj.
Noqa kikin paykunata mitharaytawan* ripusaj.+
Noqa paykunata apakapusaj, nitaj pipis makiymanta kacharichenqachu.+
15 Noqaqa rispa lugarniyman kutipusaj, paykuna juchankurayku castigasqa kanankukama.
Paykunaqa khuyakunayta munanqanku.+
Manchay llakiypi kashaspataj maskʼawanqanku”.+
Sutʼinchaykunasnin
^ Chayri “Noqata wasanchawajkunaqa”.
^ Chayri “paykunatataj kʼamisaj”.
^ Chayri “qhenchachakorqanki”.
^ Chayri “khuchichakuy jucha”.
^ Chayri “jaytʼakunku”.
^ Chayri “chajrasninkuwan khuska”.
^ Hebreo parlaypeqa nin, “forastero wawasniyoj kaspa”.
^ Uj aylloqa uj familiamanta miraj ashkha familias kanku.
^ Linde: waj lugarespi ninku lindero.
^ Mullpha: waj lugarespi ninku phunu.
^ Mithay: waj lugarespi ninku wikhay, tʼisay.
