Salmos 13:1-6

  • Jehová Diospa salvacionninta suyakuymanta

    • “Jehová Diosníy, ¿maykʼajkamataj qonqawankiri?” (1, 2)

    • Jehová bendeciwanchej (6)

Takichejpaj. Davidpa takiynin. 13  Jehová Diosníy, ¿maykʼajkamataj qonqawankiri? ¿Wiñaypajchu qonqawanki? ¿Maykʼajkamataj uyaykita pakawankiri?+  2  ¿Maykʼajkamataj kay jina llakisqallapuni kasajri? ¿Sapa diachu sonqoyqa nanasqallapuni kanqa? ¿Maykʼajkamataj enemigosniy atipawanqankuri?+  3  Jehová Diosníy, qhawarimuway ari, uyarimuway ari. Diosníy, ama wañuypi puñukapunaypaj kallpachariway ari.  4  Amataj enemigosniy ninankupaj: “Atipanchej”, nispa. Urmajteyqa ama saqeychu enemigosniy kusikunankuta.+  5  Noqaqa munakuyniykipi atienekuni.+ Sonqoyqa kusikonqa salvawajtiyki.+  6  Jehová Diosman takisaj, mayta bendeciwasqanrayku.+

Sutʼinchaykunasnin

BIBLIA DIOSPA PALABRAN. MOSOJ JALLPʼAPI KAUSAJKUNAPAJ (2021)
Salmos 13
Quechua (Bolivia)
Internetpi Bibliata leeriy
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt pág. 40