Hermanasqa Jehovapaj mayta llankʼanku (Sl 68:11). Paykunaqa Bibliamanta ashkha runasman yachachinku. Precursores regularesmantataj astawanqa hermanas kanku. Ashkha hermanasqa Betelpi, construccionpi, traduccionpi ima yanapakunku, wakenqa misioneras kanku, wakintaj waj imaspi yanapakunku. Creeypi sinchʼi sayasqa hermanastaj familiankuta, congregacionninkuta ima sumajta yanapanku (Pr 14:1). Hermanasqa mana siervos ministeriales jina nitaj ancianos jina llankʼayta atejtinkupis, waj jinasmanta llankʼayta atinku. ¿Imastá ruwanankupajtaj hermanas astawan kallpachakunkuman?

• Diospa ñaupaqenpi allin qhawasqa kanankupaj kallpachakunkuman (1Ti 3:11; 1Pe 3:3-6).

• Sipas hermanasta yanaparinkuman (Tit 2:3-5).

• Astawan predicankuman, aswan sumajtataj.

• Tantakuna wasista llimphuchaspa, allinchaspa chayri ruwaysikuspa yanapakunkuman.

• Waj parlayta yachakunkuman.

• Maypichus pisi willajkuna tiyan chayman yanapakoj rinkuman.

• Betelpi chayri tantakuna wasista ruwaysikuspa llankʼanankupaj solicitudta juntʼachinkuman.

• Diospa Gobiernonmanta Willajkunapaj escuelaman rinankupaj solicitudta juntʼachinkuman.

“HERMANASQA SEÑORPAJ MAYTA LLANKʼANKU” NISQA VIDEOTA QHAWAYTAWAN, KAY TAPUYMAN KUTICHIY:

• ¿Imatá kay hermanasmanta yachakusunman?