¿Imaynatá wawasniykichejta yanapawajchej Diospa ñaupaqenpi yachayniyoj kanankupaj? Yanapariychej tantakuykunawan sumajta yanapachikunankupaj. Imatachus tantakuykunapi rikusqanku, uyarisqanku, comentasqankupis paykunata yanapanman Jehovamanta astawan yachakunankupaj, amigosnintaj kanankupaj (Dt 31:12, 13). Jinapis, ¿imaynatá wawasniykichejta yanapawajchej reunioneswan sumajta yanapachikunankupaj?

• Tukuy atisqaykichejta kallpachakuychej reunionesman rinaykichejpaj (Sl 22:22).

• Niraj tantakuy qallarishajtin, tantakuy pasaytapis wawasniykichej hermanoswan khuska aswan unayta karikunankupaj tukuy atisqaykichejta ruwaychej (Heb 10:25).

• Sapa ujniykichejpata kapusunaykichej tiyan reunionpi estudiakushan chay publicación (celularpi chayri papelpi).

• Wawasniykichejta yanapariychej kikin palabrasninkupi comentariosta wakichikunankupaj (Mt 21:15, 16).

• Reunionesmanta, imatachus chaypi yachachikusqanmantapis allin kajtapuni parlaychej.

• Wawasniykichejta yanapaychej Tantakuna Wasita llimphuchaypi chayri waj imasta ruwaypi yanapakunankupaj, kuraj hermanoswanpis parlarikunankupaj.

Wawasniykichejtaqa Jehovaman qayllaykunankupaj ashkha imaynasmanta yanapanaykichej tiyan. Chaypi piensarispataj wakin kuteqa ichapis yuyawajchej mana atinapaj jinachu kasqanta. Jinapis mana sapallaykichejchu kashankichej, Jehová yanapasonqachej (Isa 40:29).

TATAS, JEHOVÁ DIOS KALLPACHASUNAYKICHEJPI ATIENEKUYCHEJ NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynataj Miguelwan Lidiawan kasharqanku saykʼusqalla kasqankurayku?

  Kutichiynin

• ¿Imaraykutaj tatas Jehovamanta kallpata mañakunanku tiyan?

  Kutichiynin

• ¿Imatá Miguelwan Lidiawan ruwarqanku Jehovapi atienekunankupaj?

  Kutichiynin