37 YACHAQANA

¿Bautizakunayñachu tiyan?

Chiqachus manachus kasqanta raqhaykuy:

Tukuy cristianos bautizakunanku tiyan.

□ Chiqa

□ Mana chiqachu

Bautismoqa, juchamanta jarkʼawanchik.

□ Chiqa

□ Mana chiqachu

Bautismoqa, salvacionta tarinapaq yanapawanchik.

□ Chiqa

□ Mana chiqachu

Mana bautizasqa kaptiyqa, Dios ruwasqaymanta mana cuentata mañawanqachu.

□ Chiqa

□ Mana chiqachu

Amigosniy bautizakunqankuña, chayrayku ñuqapis bautizakunallaytaq tiyan.

□ Chiqa

□ Mana chiqachu

¿BIBLIAP nisqanmanjinachu kawsachkanki? Diospa amigon kanaykipaq, ¿maytachu kallpachakuchkanki? ¿Imapichus creesqaykita wakkunaman parlachkankichu? Kay kimsa tapuykunaman “arí” nispa kutichinki chayqa, manaraq bautizasqa kaspaqa bautizakunaykipichá tʼukurichkanki. Chaywanpis ñawpaqtaqa, wakichisqachus manachus kasqaykita qhawarikunayki tiyan. Chayta reparakunaykipaqtaq,  qallariypi mayqinkunamanchus raqhaykusqaykita, allinchus manachus kasqanta qhawarina.

● Tukuy cristianos bautizakunanku tiyan.

Chiqa. Jesusqa, discipulosninman bautizakunankuta kamachirqa (Mateo 28:19, 20). Imaraykuchus paypis bautizakurqa. Chayrayku, wiñay tukusqa runajina yuyaspaqa, bautizakunaykimanta mana iskaychakuspa, Cristop qhipanta purinaykipaq qampis bautizakunayki tiyan.

● Bautismoqa juchamanta jarkʼawanchik.

Mana chiqachu. Bautizakuspaqa, Diosman qukusqanchikta rikuchinchik. Chantá, Jehovaman qukunchik kamachisqanmanjina kawsayta munasqanchikrayku, manataq saqra ruwaykunamanta jarkʼakunanchikpaq tanqasqajinallachu.

● Bautismoqa salvacionta tarinapaq yanapawanchik.

Chiqa. Biblia nisqanmanjina, bautismoqa, salvacionta tarinapaq yanapawanchik (1 Pedro 3:21). Chaywanpis, mana tukuy ima chʼampaykunamanta jarkʼakunanchikpaqchu bautizakunchik. Manaqa, Diosta munakusqanchikrayku, tukuy sunquwan payllata yupaychayta munasqanchikrayku ima bautizakunchik (Marcos 12:29, 30).

 ● Mana bautizasqa kaptiyqa, Dios ruwasqaymanta mana cuentata mañawanqachu.

Mana chiqachu. Santiago 4:17, nin: “Pichus yachan imachus allin ruway kasqanta, nitaj chayta ruwanchu, chay runaqa [bautizasqa kaspapis manapis] juchallikun”, nispa. Chayrayku kaypi tʼukuriy: ¿Sumaqtachu yachanki imatachus Dios ruwanaykita munasqanta? Imallatapis akllanaykipaq, ¿wiñay tukusqa runajinachu yuyanki? Jina kaptin, ichá tatasniykiwan, chayri juk wakichisqa cristianowan bautizakunaykimanta parlarinayki kanqa. Paykunataq bautizakunaykipaq yanapasunqanku.

● Amigosniy bautizakunqankuña, chayrayku ñuqapis bautizakunallaytaq tiyan.

Mana chiqachu. Bautizakuyta munasqaykiqa, sunquykimanta lluqsinan tiyan (Salmo 110:3). Chantá, bautizakusqaykimantapacha imatachus ruwanayki kasqanta sumaqta  yachaspalla, chaykunata juntʼayta atinaykimanta mana iskaychasqa kaspalla ima, bautizakunayki tiyan (Eclesiastés 5:4, 5).

Bautizakuyqa, imamantapis aswan sumaq

Bautizakusqaykimantapacha, Diospa munayninta ruwanaykipaq kawsanki, achkha bendicionestataq japʼinki. Chaywanpis, Jehovaman qukuchkaspa imastachus payman nisqaykita, juntʼanayki tiyan.

Bautizakunayki pʼunchay, ¿qayllitapiñachu kachkan? Jina kaptin may kusisqachá kachkanki. Diosta tukuy sunqu yupaychay, sapa pʼunchay paypaq kawsachkasqanchikta rikuchiy imaqa, mana imawanpis kikinchakunmanchu (Mateo 22:36, 37).

QHIPAN YACHAQANAPI

Kawsayniykipi kusisqa kanaykipaq imatachus ruwanaykita yachakunki.

BIBLIAMANTA

“Mañakuykichej cuerpoykichejta Diosman jaywanaykichejta kausashaj jaywanata jina Diospaj tʼaqasqata, Diosta kusichejta ima. Chaymá kashan cheqan sonqowan Diosta yupaychayniykichejqa.” (Romanos 12:1)

JUK YUYAYCHAY

Tatasniykita tapuriy, qutuchakuymanta mayqin hermanochus chayri hermanachus, Diosman astawan qayllaykunaykipaq yanapayta atisusqanta (Hechos 16:1-3).

¿YACHARQANKICHU?

Bautismoqa, salvasqa kanaykipaq juk ‘señaljina’ (Ezequiel 9:4-6).

¡RUWAYTA QALLARIY!

Bautizakunaypaqqa, Bibliamanta kay yachachiykunataraq sumaqta japʼiqanay tiyan: ․․․․․

Kay yachaqanamanta, ¿imatá tatayta chayri mamayta tapuyta munani? ․․․․․

QHAWASQAYKIMANJINA

● ¿Imaraykutaq bautizakunapaq allinta tʼukurina tiyan?

● ¿Imaraykutaq wakin waynas manaraq wakichisqa kachkaspa bautizakunku?

● ¿Imaraykutaq wakin waynas Jehovaman qukunankupaq, bautizakunankupaq ima, anchata suyanku?

[306 paginapi sutʼinchaynin]

Bautizasqa kasqayta yuyariyqa, chiqan kaqmanjina ruwanaypaq, chʼampaykunaman mana satʼikunaypaq ima, yanapawan.” (Noemí)

 [307 paginapi recuadro, dibujo/foto]

Achkha waynas, sipaskuna ima, bautismomanta kaykunata tapukunku

¿Ima ninayantaq bautizakuy? Munasqaykimanjina kawsasqaykita qhipapi saqisqaykirayku, yakuman pʼulltiykukuspaqa, wañuwaqpisjina kanman. Yakumanta lluqsispataq kawsarimuwaqpisjina kanman, Jehovap munayninta ruwanaykipaq kawsayta qallarisqaykirayku.

¿Ima ninayantaq kawsayninchikta Jehovaman quy? Qam kikiykita qhisachakusqaykita, kawsayniykita Jehová Diosman qupusqaykita ima, niyta munan (Mateo 16:24). Chayrayku, bautizakunayki pʼunchay niraq chayamuchkaptin, Jehová Diosman juk mañakuypi, paypa munayninta kawsayniykipi imamantapis aswan ñawpaqta churanaykita ninayki tiyan.

Manaraq bautizakuchkaspa, ¿imatá ruwachkanay tiyan? Biblia kamachisqanmanjina kawsanayki tiyan, imapichus creesqaykimantataq wakkunaman willanayki tiyan. Chantapis Bibliata ukhunchaspa, Diosmanta mañakuspa ima, payman astawan qayllaykullaypuni. Chantá munasqaykiraykupuni Jehová Diosta yupaychay, manataq wakkuna nisusqankuraykullachu.

¿Machkha watayuq kachkaspataq bautizakunay tiyan? Bautizakunapaqqa, mana achkha watayuqpunichu kana. Chaywanpis, imachus Diosman qukuy ninayasqanta sumaqta entiendenaykipaq, wiñay tukusqa runajina yuyanayki tiyan.

¿Imatá ruwayman tatasniy manaraq bautizakunaypaq yuyaychawaptinku? Tatasniyki Diospa yuyaychasqanmanjina kawsanaykipaq astawanraq kallpachakunayki kasqanta nisunku chayqa, paykunata uyariy, Diosman astawan qayllaykunaykipaqtaq kallpachakuy (1 Samuel 2:26).

 [308, 309 paginaspi recuadro]

Raqhaykunaykipaq ruwanaykipaqtaq

¿Bautizakuytachu munachkanki?

Kay urapi rikhuriq tapuykunaqa, bautizakunaykipaq wakichisqachus manachus kachkasqaykita reparanaykipaq yanapasunqa. Manaraq kay tapuykunaman kutichichkaspaqa, Bibliamanta pʼitikunata ñawiriy.

¿Jehovapi atienekunkichu? ¿Imaynatá paypi atienekusqaykita rikuchichkanki? (Salmo 71:5.) ․․․․․

Imachus allin imataqchus mana allin kasqanta, ¿reparayta atinkichu? ¿Ima kutispitaq chayta repararqanki? (Hebreos 5:14.) ․․․․․

¿Diosmanta mañakullankipunichu? ․․․․․

Jehová Diosmanta mañakuchkaspa, ¿imapichus yanapasunanta sutʼitachu mañakunki? Imatachus Diosman nisqayki, ¿payta munakusqaykitachu rikuchin? (Salmo 17:6.) ․․․․․

Diosman sapa kuti kikillanmantapuni mana parlanaykipaq, ¿imatá ruwanayki tiyan? ․․․․․

¿Sapa kutichu Bibliata ukhunchanki? (Josué 1:8.) ․․․․․

Sapallayki Bibliamanta yachakuchkaspa, ¿imamantá yachakunki? ․․․․․

 Bibliata astawan sumaqta ukhunchanaykipaq, ¿imastá ruwayta munanki? ․․․․․

¿Diospa Reinonmanta sumaqta willachkasqaykitachu niwaq? (Sutʼinchanapaq: ¿Sumaqtachu Bibliamanta sutʼinchayta yachanki? ¿Bibliamanta yachakuyta munaqkunaman kutinkichu? Chantá, ¿Bibliamanta juk runaman yachachinaykipaq maytachu kallpachakuchkanki?)

□ Arí □ Mana

Tatasniyki willaq mana lluqsiptinkupis, ¿qam lluqsinkipunichu? (Hechos 5:42.)

□ Arí □ Mana

Diospa Reinonmanta sumaqta willanaykipaq, ¿imastá ruwayta munanki? (2 Timoteo 2:15.) ․․․․․

¿Tantakuykunaman rinkipunichu, chayri wakin kutillachu? (Hebreos 10:25.) ․․․․․

Tantakuykunapi, ¿tapuykunaman kutichinkipunichu? ․․․․․

Tatasniyki tantakuykunaman mana riyta atiptinku, ¿sapallaykimanta qam rinkichu?

□ Arí □ Mana

¿Diospa munayninta ruwachkaspa kusiyta tarisqaykitachu niwaq? (Salmo 40:8.)

□ Arí □ Mana

Compañerosniyki saqra ruwaykunaman tanqasurqanku chayqa, ¿sinchita sayasqaykita yuyarikunkichu? (Romanos 12:2.) ․․․․․

¿Imatá ruwanki Jehová Diosta munakunallaykipaqpuni? (Judas 20, 21.) ․․․․․

Tatasniyki chayri amigosniyki Diospa llaqtanmanta lluqsipuptinku, ¿Diosta yupaychallawaqpunichu? (Mateo 10:36, 37.)

□ Arí □ Mana

[310 paginapi dibujo/foto]

Bautizakuyta akllayqa, casarakuyta akllaywan kikinchakunman, chayrayku sumaqta tʼukurinayki tiyan