Satanasqa layqakunanchikta munan. Achkha runa wañusqakunaman utaq espiritukunaman qarakuta ruwanku, mana ñakʼarichikunankupaq. Kayta ruwanku espiritukunap atiyninta manchachikusqankurayku. Kay runakunaqa qhinchachasqa siwikunata, wallqakunata, apaykachanku. Wakkuna upyanku chayri ukhunkuta jawikunku “jampikunawan” atiyniyuq kasqanta yuyasqankurayku. Wakintaq imatapis pakanku utaq pʼampanku wasinku jarkʼasqa kananpaq. Wakinkunataq layqa jampikunata apaykachanku llamkʼayninkupi, yachay wasipi, tapukipaykunapi, warmi munachiypipis yanapachikunankupaq.

Satanasmanta sumaqta jarkʼakuy, Jehovaq masin kaspa. Jehová Dios angelninkunawan, Satanasmanta supayninkunamantapis astawan atiyniyuq kanku (Santiago 2:19; Apocalipsis 12:9). Jehovaqa mayta atiyninta uqhariyta munan payman kʼaskakuq masinkunata yanapananpaq (2 Crónicas 16:9).

Diospa Rimaynin nin: “Ama layqapis kaychejchu”. Jehovaqa layqayta aysiriyta juchachan, imaraykuchus kay ruwaykunaqa chiqamanta Kuraq Supay atiyninpi churawanchik (Deuteronomio 18:10).