Allin masita tarikuyqa, waqaychaypis sinchi kallpachakunapaq. Dioswan masichakunapaq kallpachakusqanchikta, masichakuyninta waqaychasqanchikta ima, payqa mayta tʼinkanqa. Jesús nirqa, paypi iñiqkunaman “Cheqa kajtaj kacharichisonqachej” (Juan 8:32). ¿Imatataq niyta munarqa?

Kacharichisqa kasqaykimanta kunan kusikuwaq. Atiwaq kacharichikuyta Supaypa llulla yachachiyninmanta. Junukuna runa, mana Jehovata riqsisqankurayku, pʼakisqa sunqulla kawsakunku, chaymantataq kacharichikuyta atinki (Romanos 8:22). Diospa masinkuna ‘wañuyta manchachikuymantapis’ kacharichisqa kanku (Hebreos 2:14, 15).

Musuq pachapi kacharichisqa kasqaykimanta kusikunki. ¡May sumaqta kacharichikusunchik musuq pachapiqa! Paraisoman Jallpʼa tikrakuptin, mana maqanakuy, unquy juchallikuy, waqchayay, yarqhay ima kanqañachu. Machuyaymanta, wañuymanta, manchachikuymanta, matʼiyaymanta, mana chiqan kaqmantapis kacharichiwasun. “Makiykita kicharispa, tukuy kawsajkunata sajsachinki ashkhata qospa” Diosmanta Bibliaqa nin (Salmo 145:16).

 Diospa masinkunaqa wiñay wiñaypaq kawsakunqanku. Dios tʼinkanqa wiñay kawsaywan masichakuyninta maskʼaqkunaman (Romanos 6:23). Juk chhikanta tʼukuriy, qampaq ¿imataq ninayan wiñay wiñaypaq kawsay?

Tukuy imata ruwayta atinki. Icha qinata utaq charankuta allinta waqarichiyta yachakuyta munanki, ichapis chakrapi llamkʼayta munanki utaq, kʼullu llaqllaspa llamkʼayta munanki. Ichapis uywakunamanta, sachʼakunamanta ima yachaqayta munanki, utaq munanki chʼusariyta wak suyukunaman wak runakunata riqsinaykipaq, kay tukuy imata ruwayta atinki. Wiñay wiñaypaq kawsaspaqa.

Tukuywan masichakuyta atinki. Wiñay wiñaypaq kawsaspaqa, Diospa masinkunawan riqsinakuyta atinki. Sumaq ruwayninkuta, sumaq kayninkuta riqsiyta atisunchik allinta masichakunanchikpaq. Munakusun paykunapis munakuwasun (1 Corintios 13:8). Tukuywan Jallpʼapi allinta masichakuyta atisun wiñaypaq kawsakusqanchikrayku. Astawanraq Jehovawan masichakuyninchik kallpachakullanqapuni chayrayku. ¡Mana jaykʼaq Diospa masin kayta saqinachu tiyan!