1. Diosniy maykʼajchus puñusqayta,

rijchʼarisqayta yachashanki, qan.

Sonqoypirí, yuyasqayta rejsinki.

Ñanniyta, parlasqayta yachashanki, Dios.

Pakaypi ruwasqa kashajtiy,

tullusniytapis rikorqanki, Qan.

Cuerpoypis tukuy qhelqasqaña karqa.

May atiyniykitataj jatunchani, Dios.

Yachayniykeqa tʼukunapaj jina,

sumajta kayta yachashani, Dios.

Laqhapi pakakuyta yuyajtiypis,

Espirituyki tariwanqamin.

Jehová, ¿maypitaj pakakuyman?

Qanmanta Dios, ¿mayman ayqeymanrí?

Janaj pachapi, ni jallpʼa ukhupi,

phuyuspi, nitaj mama qochapipis, Dios.