Kay killasmanta Torremanta Qhawaj revistasta leerqanki chayqa, kay tapuykunaman kutichiyta atillanki.

¿Jehová Dios noqanchejmanta khuyakuwanchejchu?

Mana khuyakunapaj jina kajtinchejpis Jehová Diosqa khuyakuwanchej. Israelitas Egipto suyupi unayta esclavos kashajtinkupis Jehová Diosqa paykunamanta llakikorqa (Éxo. 3:7; Isa. 63:9). Noqanchejpis Diospa rijchʼayninman jina ruwasqa kasqanchejrayku wajkunamanta khuyakuyta chayri llakikuyta atinchej (wp18.3, páginas 8, 9).

¿Imaynatá Jesús runasta yanaparqa tukuyta uj rejllata qhawanankupaj?

Jesuspa tiemponpi judiosqa runasta mayta chejnikoj kanku. Chayrayku Jesusqa discipulosninman yachacherqa kʼumuykukoj sonqoyoj kanankuta, manataj wajkunata rijchʼayninrayku chejninankuta. Chantapis paykunata nerqa: ‘Tukuyniykichej hermanos kankichej’, nispa (w18.06, páginas 9, 10).

¿Imatataj yachakusunman Moisés mana Sumaj Jallpʼaman yaykusqanmanta?

Israelitasqa yakumanta quejakorqanku Sumaj Jallpʼaman yaykunankupajña kashajtinku. Chaynejta Diosqa Moisesta kamacherqa chhankata parlapayaspa yakuta phullchichimunanta. Moisestaj mana chhankata parlapayarqachu. Astawanqa chhankata wajtarqa. Chayrayku Jehová Diosqa amigon kajtinpis Moisespaj mayta phiñakorqa (Deu. 34:10). Ichapis phiñakorqa mana kasukusqanrayku chayri mana runaspa ñaupaqenpi jatunchasqanrayku (Núm. 20:6-12). Kaymanta yachakunchej Jehová Diosta kasukunapuni kasqanta, payllatataj jatunchana kasqanta (w18.07, páginas 13, 14).

¿Allinchu kanman wajkunata rikusqanchejman jinalla juzgay?

Mana. Runasqa wajkunata llajtankuman jinalla, chayri qhapajchus chayri wajchachus kasqankuman jinalla, manachayrí edadninkuman jinalla juzganku. Noqanchejtajrí Jehová Dios jina wajkunata uj rejllata qhawananchej tiyan (Hech. 10:34, 35) (w18.08, páginas 8 al 12).

¿Imaynasmantataj viejito hermanos congregacionpi yanapakullankumanpuni?

Jehová Diosqa viejito hermanosta mayta munakun, congregacionpi ruwanasninkuta saqepojtinkupis. Chay hermanitosqa sumajta yanapankuman mana Testigo qosasta, manaña predicacionman llojsej hermanosta ima. Chantapis ashkha runasman Bibliamanta yachachinkuman, tukuy imaynasmantataj predicankuman (w18.09, páginas 8 al 11).

¿Ima yanapastaj tiyapuwanchej Bibliata estudiachinapaj?

Chay yanapasqa kanku: jw.org nisqapaj tarjetitas, invitaciones, pusaj tratados, ¡Rijchʼariy! revistas, Torremanta Qhawaj revistas, folletos, libros, tawa videos ima. Chay videosmanta ujnintaj “¿Imaraykutaj Bibliamanta yachakuna?” nisqa (w18.10, página 16).

Proverbios 23:23 nisqanman jina, ¿imatataj uj cristiano ruwanan kasqa cheqa kajta rantikunanpaj?

Cheqa kajta rantikunapajqa nisunman Bibliamanta yachakunapajqa mana qolqeta paganachu tiyan. Chaywanpis Bibliamanta yachakunapaj mayta kallpachakunanchej tiyan, tiempochakunanchejtaj tiyan (w18.11, página 4).

¿Imatataj yachakusunman Oseas Gomerta perdonasqanmanta?

Gomerqa ashkha kutista Oseasta wasancharqa. Chaywanpis Oseasqa Gomerta perdonarqa, manataj divorciakorqachu. Kaymanta yachakunchej uj warmi qosanta wasanchajtin, qosanqa warminta perdonayta atisqanta. Chantapis warminwan watejmanta puñuykojtenqa, warminta perdonasqanta rikuchin. Puñuykojtinkoqa manaña divorciakuyta atinkumanchu (w18.12, página 13).