KAY 2018 watapi 24 de enero paqarinpi, Estados Unidos Betelpi, Canadá Betelpi ima willakorqa hermanonchej Kenneth Cook Diospa Llajtanta Kamachejkunamanta ujnin kananpaj churasqankuta.

Hermano Kennethqa Pensilvaniapi nacekorqa, chaypitaj jatunyanankama tiyakorqa. Chaytaj Estados Unidospi kashan. Payqa Jehová Diosmanta yachakorqa colegiota tukunanpajña kashajtin. Paymanqa colegionmanta ujnin compañeron Diosmanta willarisqa. Chantá 7 de junio de 1980 watapi bautizakorqa. 1 de septiembre de 1982 watapitaj precursor regular jina sirviyta qallarerqa. 12 de octubre de 1984 watapitaj Wallkill Betelpi sirviyta qallarerqa.

Hermano Kennethqa Wallkill Betelpi 25 watasta imprentapi, waj lugarespiwan trabajarqa. 1996 watapitaj hermana Jamiewan casarakorqa. Iskayninkutaj Wallkill Betelpi sirverqanku. 2009 watapitaj diciembre killapi Pattersonpi kaj Centro Educativo de la Watchtower nisqaman kachasqa karqanku. Chaypitaj hermano Kennethqa Correspondencia de Redacción nisqapi sirverqa. Chantá Wallkill Betelpi pisi tiempota sirverqanku. Chaymantataj 2016 watapi abril killapi Brooklyn Betelman kacharqanku. Chaypi phishqa killata kasqankutawantaj Warwick Betelman kacharqanku. 2017 watapitaj enero killapi Qhelqajkunapaj Comisionpi Diospa Llajtanta Kamachejkunata yanapananpaj churasqa karqa.