Familiapi chayri sapallanchikpi Bibliata ukhunchanapaq yuyaychaykuna

JEHOVAMANTA SUTʼINCHAQKUNAQA, pachantinpi 2009 watamantapacha iskay pʼunchaypi tantakuykunata ruwakusqanta juk pʼunchayllapiña ruwanchik. Imaraykuchus Diospa Llaqtanta Kamachiqkunaqa, chay pʼunchaypi familianchikwan chayri sapallanchikpi Bibliata ukhunchananchikta yuyaychawarqanchik. Chayta ruwasqanchik, ¿yanapachkawanchikchu?

¿Imastataq familias chay chʼisipi ukhuncharinkuman? Diospa Llaqtanta Kamachiqkunaqa, imastachus sapa semana ukhunchanankuta mana ninchu. Chayrayku tatasqa, familiankuta yanapananpaqjina kaq yachaqanasta akllanqanku. Solterospis kikillantataq ruwanqanku.

Wakin familiasqa tantakuykunapaq wakichikunku, chaywanpis mana chayllatapunichu ruwananchik tiyan. Wakinqa, Bibliata, publicacionesta ima ñawirinku chayri familiapi juchʼuy wawas kaptinqa, juk dramatajina ruwanku. Chantapis familiapi Diosta yupaychanapaq chʼisiqa mana qutuchakuypi tantakuyjinachu kanan tiyan maypichus parrafosta ñawirispa tapuykunawan ukhunchakun. Astawanpis chay chʼisiqa kʼachamanta tukuy parlarinakunankupaqjina kanan tiyan. Jinamanta chay chʼisiqa tukuy mayta kusirikunankupaqjina kanqa.

Juk tata qillqarqa: “Familiajina Diosta yupaychanapaq chʼisipiqa Bibliata ñawirisqaykumantapuni yaqha parlariyku. Tukuyniyku ñawpaqtaña ñawiriyku, wawasniytaq imasmantachus astawan yachakuyta munasqankuta ukhuncharinku. Chaymantataq imatachus yachakusqankumanta sutʼinchanawaykupaq tantakuyku. Michaelqa 7 watasniyuq payqa ñawirisqanmanta juk dibujota ruwan chayri pisi rimaykunallata qillqan. Davidqa 13 watasniyuq Kaitlyntaq 15 watasniyuq paykunaqa, chay ñawirisqankuta rikuchkankumanpisjina qillqanku. Sutʼincharinapaq, Génesis 40 tʼaqapi faraonpa coperonmanta chantá tʼantata ruwaq kamachinmanta ima ñawiriptiyku, Kaitlynqa paypis Josewan carcelpi kachkanmanjina qillqarqa”, nispa.

Chantapis sapa tataqa imaynatachus familianta yanapayta atisqanta yachan. Qhipan paginapi achkha yuyaychaykuna rikhurin, chaykunamanjinataq sapallaykipi chayri familiaykiwan Bibliata ukhunchachkaspa ruwawaq. Chaywanpis ichá wakjinasmantawan ruwawaq.

[6, 7 paginaspi recuadro, dibujo/foto]

 Waynuchu wawasniyuq familias:

• Waynaspata sipaskunapta tapukuyninku librota ñawiriychik, chaymantataq parlariychik.

• Bibliata ñawirispa tapurikuychik: “¿Imatá qam ruwawaq karqa?”, nispa (La Atalaya del 15 de mayo de 1996, página 14, párrafos 17 y 18 ñawiriy).

• Imastachus pisi tiempopi chayri aswan qhipaman juntʼanamanta parlariychik.

• Bibliamanta urqhusqa videosta qhawarispa chaymanta parlariychik.

• Torremanta Qhawaq revistamanta “Waynaspaq sipaskunapaq” yachaqanasta ukhunchariychik.

Qhariwarmi mana wawasniyuq:

• Imaynatá Familiaykipi Kusisqa Kawsakuwaq libromanta 1, 3, 11-16 yachaqanasta ukhunchariychik.

• Sapallaykichik Bibliata ñawirispa yachakusqaykichikmanta ukhunchariychik, parlariychiktaq.

• Bibliamanta Yachaqanapaq Tantakuypaq chayri Torremanta Qhawaq revistamanta Yachaqanapaq wakichikuychik.

• Imaynasmantachus qhariwarmijina Diospaq astawan llamkʼayta atisqaykichikpi tʼukuriychik.

Solteros chayri familianmanta sapallan cristiano kaq:

• Jatun tantakuykunapi urqhukusqan publicacionesta ukhunchariy.

• Kay watamanta chayri pasaq watasmanta Anuario nisqa librota ñawiriy.

• Willaypi runas tapususqankuman kutichinaykipaq ukhunchariy.

• Willanaykipaq wakichikuy.

Juchʼuy wawasniyuq familias:

• Bibliamanta juk dramatajina ruwaychik.

• ¡Despertad! revistapi 30, 31 paginaspi nisqanmanjina pukllariychik.

• Tʼukurinapaqjina imallatapis wakichiychik, (¡Despertad! del 8 de marzo 1996 páginas 16 a 19, “Estudiamos la Biblia en el zoológico”, nisqata ñawiriy).

• Torremanta Qhawaq revistamanta “Wawasta yachachinapaq” nisqa yachaqanata ukhunchariychik.