“Achkha runas cristianosman tukuchkaptinku [...] yaqha tukuy runas Mariata yupaychaq kanku. [...] Unaymantaña ‘mama diosata’, ‘mana qharip chayasqan sipasta’ ima yupaychaqpuni kasqankurayku.” (The New Encyclopædia Britannica, 1988.)

“Kunanqa wijsayoj rikhurispa, nacechikunki uj qhari wawata, Jesús sutiwantaj sutichanki. Payqa manchay sumaj runa kanqa, sutichasqataj kanqa Patapi Kaj Diospa Churin [...]; chay mana juchayoj nacej wawaqa sutichasqa kanqa Diospa Churin.” (Cursivas nuestras; Lucas 1:31-35.)

Kay pʼitikuna nisqanmanjina Mariaqa, mana Diospa mamanchu karqa, manaqa “Diospa Churinpa” maman karqa. Bibliataq ni janaqpachapis Diosta wakiyta atisqanta nin; jina kaptin, ¿imaynatá Dios Mariap wiksanman yaykuyta atinman karqarí? (1 Reyes 8:27, Qheshwa Biblia.) Chantá Mariaqa, ni jaykʼaq Diospa maman kasqanta nirqachu. Jina kaptin, ¿imaraykutaq kay yachachiy rikhurirqa? Dios Tata, Dios Churi, Dios espíritu santo nisqa yachachiy rikhurisqanrayku. Éfeso llaqtapi, 431 watapi, juk jatun tantakuypi, Mariata “Diospa Mamantajina” (griegopi Theotokos, chaytaq niyta munan “Diosta nacechikuqtajina”) qhawanata nisqanku. Tʼukunapaqjina Éfeso llaqtapi tiyakuqkunaqa, unaymantapachaña wawayuq kayta munaqkunap Ártemis sutichasqa lantinkuta, yupaychaq kanku.

Kunan tiempopi Mariata yupaychanankupaq wakin costumbresta ruwasqankuqa, unay tiempopi Ártemis lantita yupaychaymanta jamun. Jaqay tiempopiqa, Ártemis lanti “cielomanta jamoj lanti” kasqanta yuyaq kanku (Hechos 19:35). Chaymanta astawan qhipamantaq Diosta lantisniqta yupaychay yachachiy rikhurillarqataq.

Kay pʼitikunap nisqanpi tʼukuriy: Mateo 13:53-56; Marcos 3:31-35; Lucas 11:27, 28.