Biblia nin: “Yuyayniyojqa sajra kajta rikuspa, pakakun; mana yuyayniyojrí sajraman chimpaykun, chantaqa ñakʼarin”, nispa (Proverbios 22:3). Kay yuyaychayqa, jatuchaq llakiykuna kaptin yanapawasunman. Urqu phataspa nina lawata aqtunqa, sinchi para, sinchi wayra kanqa ima, nispa willakuptin, chay lugarespi tiyakuqkunaqa, tiyakunapaqjina lugaresman ripunanku allin kanman. Imaraykuchus kawsayninchikqa astawan valorniyuq, wasimanta chayri wak imasmanta nisqaqa.

Wakinqa, mana tiyakunapaqjina lugarespi mana tiyakuyta munankuchu. Juk runa nirqa: “Jallpʼantinmanta nisqaqa, pisi lugaresllapi jatuchaq llakiykuna tiyan, chay lugarespitaq llakiykunaqa kanqapuni”, nispa. Sutʼincharinapaq; mama quchap kantusninpi, mana tiyakunapaqjina lugarespi, qaqa suchuykamuq lugarespi ima kanqapuni. Chayrayku ama chay lugarespi tiyakuychu, manaqa tiyakunapaqjina lugaresman ripuy, chayta ruwaspaqa jatuchaq llakiykuna kaptin mana ñakʼarinkichu.

Jatuchaq llakiykunapaq may wakichisqa kaptiykipis, chaykunaqa mana suyachkaptillayki chayamusunkiman. Chaywanpis jatun llakiypi rikukuptiykiqa, imatachus ruwanaykipaq wakichisqa kaptiykiqa atillanki muchuyta. Proverbios 22:3 yuyaychasqan, chay kutispipis yanapallasunkimantaq. Jatuchaq llakiykuna kaptin, ¿imatachus ruwanaykipaq wakichisqachu kachkanki? Kay manual 1-2-3 of Disaster Education (Jatuchaq llakiykuna kaptin imatachus ruwanata), nisqa juk juchʼuy cajitapi wakin jampista, botellaspi yakuta, mana ismuq mikhunata, chantá documentosninchikta ima sutʼipi kapunawanchikta nin. Chantapis familiaykiwan, ima jatuchaq llakiykunachus ichá rikhurinman, imatachus ruwanaykichikta ima parlarinayki allin kanman.

Chayqa, ima llakiypipis mayta yanapasunqa. Imaraykuchus Bibliaqa, “[Dios] khuyakoj Tata [kasqanta], tukuy imapi sonqochaj Diostaj. Payqa sonqochawanchej tukuy llakiyninchejpi” nin. Chantá wak versiculopis Pay “yachan llakisqasta sonqochayta”, nillantaq (2 Corintios 1:3, 4; 7:6).

Jehová Diosqa, paypi atienekuqkuna imaynachus kachkasqankuta allinta yachan. Munayninraykutaq imaymanamanta kallpachawanchik (1 Juan 4:8). Chantá Paymanta mañakuy  yanapallawanchiktaq. Mana milagrosta ruwanantachu mañakusun, manaqa espíritu santonta, imaraykuchus chayqa, sunquchanawanchikpaqjina, ima llakiytapis muchunanchikpaqjina versiculosta yuyarinapaq yanapawasun. Chantapis ñawpa tiempomanta Israelmanta rey Davidjina nisunchik, “chʼin Iaqha wayqʼosta puriyman chaypis, mana ima sajramanta manchachikusajchu, qanqa noqawan kasqaykirayku. Varaykitawan, tojnuykitawan rikuspa, wapuchakuni”, nispa (Salmo 23:4).

Ñawpa tiempopi profeta Agabo nirqa: “Manchay jatun yarqhay jamonqa tukuy jallpʼaman”, nispa. “Chay nisqantaj juntʼakorqa Claudio kamachishajtin”. Chay yarqhayqa, Judeapi kaq achkha cristianosman chayarqa. ¿Imatá wak lugaresmanta discípulos ruwarqanku? Biblia nin: “Antioquiapi creejkunaqa nerqanku sapa uj kapusqanman jina qolqeta tantaspa, apachinankuta Judeapi kaj hermanosman”, nispa (Hechos 11:28-30). Rikunchikjina kay hermanostaqa, munakuyninku yanapanankupaq tanqarqa.

Kunanpis, Diospa kamachisnin puraqmanta yanapanakusqankurayku may riqsisqas kanku. Kay 2010, febreropi 27 pʼunchaypi, Chilepi jallpʼa mayta ikhakusqanrayku, Jehovamanta sutʼinchaqkunaqa hermanosninkuta usqhayllata yanaparqanku. Karlap wasinta, mama quchamanta yaku wasarimuspa apakapusqa, pay nin: “Qʼayantinpacha wak lugaresmanta Jehovamanta sutʼinchaqkuna, yanapanawaykupaq jamusqankumanta kusikurqani. Chiqamantapuni niyman Jehová chay hermanosniqta sunquchawasqaykuta. Jehová munakuwasqanta, jarkʼawasqanta ima rikurqani”, nispa. Abuelon, yanapasqankuta rikuspa nirqa: “Iglesiaypiqa, ni jaykʼaq chayta rikurqanichu”, nispa. Chaytaq Jehovamanta sutʼinchaqkunawan, Bibliamanta yachakunanpaq yanaparqa.

Jatuchaq llakiykunapi, Diosta munakuqkunawan kayqa mayta yanapawasunman. Chaywanpis, ¿maykʼaqllapis Jallpʼamanta jatuchaq llakiykuna chinkanqachu? Imatachus Biblia nisqanta qhawarina.